Cychwyn Busnes o Gartref

Nid yw pob busnes yn cael ei redeg o ffatri neu eiddo masnachol.  Mae rhai pobl yn cychwyn ac yn rhedeg busnesau o’u cartrefi.

Os wyt ti’n meddwl cychwyn dy fusnes dy hun, dylet ystyried y posibilrwydd o weithio o gartref gan y gallai hyn dy helpu:

• Arbed ar gostau cychwynnol gan nad oes angen adeilad
• Arbed amser a fyddai’n cael ei dreulio’n chwilio am eiddo addas
• Osgoi cael dy glymu fewn i gytundebau tenantiaeth
• Cael cymorth gan deulu a ffrindiau
• Oriau hyblyg, yn enwedig os wyt ti dal mewn addysg neu’n gweithio
• Arbed amser sy’n cael ei dreulio ac arian sy’n cael ei wario ar deithio i’r gwaith

Ond mae hefyd nifer o ystyriaethau, yn enwedig os wyt ti’n byw gartref neu mewn llety rhent.  Gall gweithio o gartref effeithio ar forgais, yswiriant cartref, treth, pobl eraill sy’n byw yn y t?, a hyd yn oed dy gymdogion.

Efallai y byddi hefyd yn cael trafferth gyda:

• Gwrthdyniadau ac ymyriadau
• Unigrwydd neu arwahanrwydd

I gael gwybod mwy am redeg busnes o dy gartref, darllena’r canllaw ar wefan Busnes Cymru yn y ddolen hon Cychwyn Busnes o Gartref (gwefan Busnes Cymru).