Mae Tîm y Sector Diwydiannau Creadigol o fewn Llywodraeth Cymru wedi bod yn ystyried amrywiaeth o fewn y diwydiant ffilm a theledu.
Gwnaethom gomisiynu Diverse Cymru i ystyried y materion perthnasol. Gallwch weld manylion ynghylch y prosiect - a sut y gallai Diverse Cymru eich helpu - ar eu gwefan.
Rydym wedi dwyn ynghyd rai adnoddau ar-lein er mwyn helpu unigolion a chyflogwyr i wella amrywiaeth o fewn diwydiant ffilm a theledu Cymru.
- cymorth i unigolion ar gyfer ymuno â diwydiant ffilm a theledu Cymru
- cymorth i'r rhai sy'n gweithio o fewn y diwydiant er mwyn datblygu eu gyrfaoedd
- cymorth i gyflogwyr ar gyfer gwella amrywiaeth o fewn y gweithle
Mae'n gwasanaeth lleoliadau sef Sgrîn Cymru yn cynnal cronfa ddata o griwiau ffilm a theledu yng Nghymru. Caiff y gronfa ddata hon ei defnyddio gan gynyrchiadau sy'n ffilmio yng Nghymru, felly gallai greu cyfle i chi dynnu sylw cynhyrchwyr at eich enw. Mae rhai darlledwyr a chwmnïau cynhyrchu bellach yn awyddus i recriwtio unigolion amrywiol. Rydym yn annog pawb sydd â'r sgiliau perthnasol, gan gynnwys pobl o gefndiroedd amrywiol, i gofrestru ar y gronfa ddata, gan nodi eu sgiliau a'u profiad.
Gallwch gysylltu â Thîm y Sector Diwydiannau Creadigol drwy anfon e-bost at creativeindustries@gov.wales