Mae’r cynllun Bwrsariaeth Niwclear, a reolir gan yr Academi Sgiliau Niwclear Cenedlaethol (NSAN) yn darparu cymorth ariannol i unigolion ar gyfer cyfleoedd addysg a hyfforddiant gyda’r nod o’u helpu i ddechrau a datblygu eu gyrfaoedd proffesiynol yn y byd niwclear.
Mae cylch diweddaraf y Fwrsariaeth Niwclear yn canolbwyntio ar unigolion sydd wedi’u heffeithio’n uniongyrchol gan Covid-19, drwy ddarparu cymorth ariannol i’r rhai sydd ar ffyrlo neu wedi’u diswyddo o gwmni sy’n gweithio yn y sector niwclear.
Bydd y Fwrsariaeth Niwclear hefyd yn cefnogi gweithwyr BBaCh sydd am uwchsgilio neu sydd am ddatblygu sgiliau newydd drwy ddefnyddio rhaglenni astudio neu hyfforddiant ar-lein.
Y dyddiad cau ar gyfer ceisiadau yw 4pm ar 30 Mehefin 2020.
O ystyried y mesurau cadw pellter cymdeithasol sydd ar waith ar hyn o bryd yn sgil cyfyngiadau Covid-19, dim ond ceisiadau am gyrsiau i’w cwblhau drwy ddysgu o bell fydd yn cael eu derbyn yn y cylch hwn.
Am ragor o wybodaeth, ewch i wefan NSAN.