Mae gwasanaethau brys ac elusennau yn annog busnesau ledled Cymru sy'n berchen ar ddiffibrilwyr i gofrestru eu dyfeisiau ar fas data cenedlaethol arloesol o'r enw The Circuit.
Nod The Circuit yw mapio pob diffibriliwr mynediad cyhoeddus, felly pan fydd rhywun yn cael ataliad y galon, gall trinwyr galwadau 999 gyfeirio pobl gerllaw at y diffibriliwr cofrestredig agosaf wrth aros i'r ambiwlans gyrraedd.
- Mae tua 2,800 achos o ataliadau’r galon y tu allan i'r ysbyty (OHCA) yng Nghymru bob blwyddyn, ond dim ond 1 o bob 20 o bobl sy'n goroesi.
- Mae pob munud heb ddadebru cardio-pwlmonaidd (CPR) a diffibriliad yn lleihau'r siawns o oroesi hyd at 10 y cant,
- Mae CPR cynnar a diffibriliad yn gallu mwy na dyblu'r siawns o oroesi.
- Amcangyfrifir bod diffibrilwyr mynediad cyhoeddus (PADs) yn cael eu defnyddio mewn llai na 10 y cant o ataliadau’r galon y tu allan i'r ysbyty ledled y DU.
Er mwyn gwella cyfraddau goroesi, mae Sefydliad Prydeinig y Galon (BHF), Resuscitation Council UK (RCUK) Ambiwlans Sant Ioan, a Chymdeithas y Prif Weithredwyr Ambiwlans (AACE) wedi dod ynghyd i gyflwyno The Circuit: y rhwydwaith diffibrilwyr cenedlaethol.
I gael rhagor o wybodaeth ac i gofrestru eich diffibriliwr, ewch i https://www.thecircuit.uk/