Yn sgil yr argyfwng COVID-19 bydd llawer o fusnesau yn cael eu gorfodi i ohirio darpariaeth wyneb yn wyneb a/neu hyfforddiant oddi ar y safle. Bydd hyn yn golygu cynnal rhaglenni hyfforddiant y gellir eu darparu ar-lein am y tro. Mae’r Rhaglen Sgiliau Hyblyg yma i gynorthwyo’ch busnes i gynnal hyfforddiant ar-lein.
Mae’r Rhaglen yn cael ei chyllido gan Lywodraeth Cymru i roi cyfraniad ariannol tuag at uwchsgilio gweithwyr busnesau yng Nghymru,
Mae hyn yn cynnwys gweithwyr ar ffyrlo, yn sgil COVID-19.
Mae’r rhaglenni presennol yn cynnwys:
- sgiliau digidol uwch
- sgiliau allforio
- gweithgynhyrchu a pheirianneg uwch
- clwstwr lled-ddargludyddion cyfansawdd
- cefnogaeth i fylchau sgiliau ac uwchsgilio yn y sector creadigol
O dan y Rhaglen, bydd yr holl gyrsiau hyfforddiant a gymeradwyir yn denu cyfraniad o 50% tuag at gyfanswm costau cymwys gan Lywodraeth Cymru.
Am ragor o fanylion, ewch i wefan Porth Sgiliau Busnes Cymru.
Ewch i’r tudalennau Cyngor i fusnesau ar y coronafeirws ar wefan Busnes Cymru i gael gwybodaeth ar gyfer eich busnes ynglŷn â delio â’r coronafeirws.