Cymru heddiw (15 Chwefror 2022) yw’r wlad gyntaf yn y DU i fynnu bod System Monitro Cychod (VMS) yn cael ei gosod ar ei holl gychod pysgota masnachol trwyddedig.
Mae eisoes gofyn ar bysgotwyr i osod dyfais o’r fath ar gychod 12 metr a mwy ond mae Gorchymyn yn dod i rym heddiw (15 Chwefror 2022) sy’n golygu bod cychod llai, mwy na 350 ohonyn nhw, yn gosod dyfais o’r fath.
Cychod o dan 12 metr o hyd yw tua 97% o holl gychod pysgota cofrestredig Cymru.
Bydd y VMS yn trosglwyddo lleoliad, dyddiad, amser, cyflymder a chwrs y cwch, o leiaf unwaith bob 10 munud, wrth iddo bysgota.
Mae hyn yn bwysig er mwyn cael darlun llawn a chywir o weithgarwch cychod pysgota ym Mharth Cymru, ac o gychod sydd wedi’u cofrestru yng Nghymru pa le bynnag maen nhw, i reoli amgylchedd y môr a physgodfeydd yn well.
Am ragor o wybodaeth ewch i LLYW.Cymru