Mae’r elusen gynaliadwyedd WRAP ac Innovate UK wedi lansio cronfa sylweddol newydd yn y DU i leihau effeithiau plastigion ar yr amgylchedd yn India, Kenya a De Affrica. Bydd hyn yn creu cyfleoedd i fusnesau yn y DU, arloeswyr a phartneriaid yn y gwledydd i gydweithio i fynd i’r afael â’r heriau yn y gwledydd hyn.
Mae cystadleuaeth International Circular Plastics Flagship Projects yn gronfa gwerth £1.7 miliwn sydd â’r nod o ddatrys problem llygredd plastig yn y cenhedloedd allweddol hyn.
Gall ymgeiswyr wneud cais am gyllid yn amrywio o £50,000 i £250,000 sy’n dangos datrysiadau sy’n ymateb i dargedau penodol o dan gytundebau pob cenedl.
Mae’r cyllid yn canolbwyntio ar bedair prif thema:
- pecynnau ffilm hyblyg, gan gynnwys fformat bach
- deunydd pecynnu y gellir ei ailddefnyddio a modelau busnes bach
- casglu, trefnu, glanhau ac ailgylchu
- datblygu’r farchnad
Dylai sefydliadau sydd â diddordeb mewn gwneud cais wneud hynny cyn 13 Ionawr 2022 am 23:45 GMT.
Mae rhagor o wybodaeth ar wefan WRAP