Mae gan gyflogwyr yr un cyfrifoldebau iechyd a diogelwch i weithwyr sy’n gweithio gartref ag unrhyw weithwyr eraill.
Mae’r Awdurdod Gweithredol Iechyd a Diogelwch wedi llunio canllawiau os yw’ch pobl yn gweithio o gartref.
Dylech:
- ddarparu’r cyfarpar sydd eu hangen arnyn nhw, er enghraifft cyfrifiadur, ffôn a chyfleusterau fideo-gynadledda
- cadw mewn cysylltiad rheolaidd â nhw, gan sicrhau eich bod yn trafod eu llesiant
Mae’r canllawiau yn egluro’r mesurau y dylech chi eu rhoi ar waith i ddiogelu gweithwyr cartref, gan gynnwys:
- gweithio ar eich pen eich hun heb oruchwyliaeth
- gweithio gyda chyfarpar sgrin arddangos
- straen ac iechyd meddwl
Am ragor o wybodaeth, ewch i wefan yr Awdurdod Gweithredol Iechyd a Diogelwch.