Mae Lynne Neagle AS, y Dirprwy Weinidog Iechyd Meddwl a Llesiant yn annog teuluoedd cymwys i ymuno â’r cynllun Cychwyn Iach i’w galluogi i gael bwyd iach a fitaminau am ddim.
Gall teuluoedd gael cerdyn wedi’i ragdalu, yr ychwanegir credyd iddo bob pedair wythnos, i brynu bwyd iach – ffrwythau, llysiau, codlysiau, llaeth a fformiwla babanod. Gallant hefyd gael fitaminau Cychwyn Iach am ddim.
Ar hyn o bryd, nid yw bron i 40% o bobl sy’n gymwys i’r cynllun yng Nghymru yn ei hawlio.
Mae’r cynllun Cychwyn Iach ar gael i’r rhai hynny sydd dros 10 wythnos yn feichiog neu sydd â phlentyn o dan 4 oed ac sy’n cael budd-daliadau penodol.
I gael mwy o wybodaeth, ewch i Dirprwy Weinidog yn annog teuluoedd cymwys i hawlio taliadau Cychwyn Iach | LLYW.CYMRU