Cynhelir Diwrnod Ymwybyddiaeth Hygyrchedd Byd-eang (GAAD) ar 18 Mai 2023. Pwrpas GAAD yw i gael pawb i siarad, meddwl a dysgu am fynediad a chynhwysiant digidol, a'r mwy nag un biliwn o bobl sydd ag anableddau/namau.
Mae pob defnyddiwr yn haeddu profiad digidol o'r radd flaenaf ar y we. Rhaid i rywun sydd ag anabledd allu profi gwasanaethau a chynnwys ar y we, a chynhyrchion digidol eraill gyda'r un canlyniad llwyddiannus â'r rheiny heb anableddau. Yr ymwybyddiaeth hon a'r ymrwymiad i gynhwysiant yw nod GAAD, sef digwyddiad byd-eang sy'n taflu goleuni ar fynediad a chynhwysiant digidol i bobl ag anableddau.
I gael mwy o wybodaeth, cliciwch ar y ddolen ganlynol Home - GAAD (accessibility.day)
Y Canllaw Arfer Da – Cefnogi Entrepreneuriaid anabl yng Nghymru
Datblygwyd y canllaw hwn gan Anabledd Cymru ar ran Llywodraeth Cymru. Mae'n darparu gwybodaeth a chyngor ymarferol i sefydliadau a chynghorwyr cymorth busnes am y ffordd orau o ymgysylltu â phobl anabl sy'n dechrau, cynnal neu dyfu eu busnes yng Nghymru, a'u cefnogi.
I gael mwy o wybodaeth, cliciwch ar y ddolen ganlynol Y Canllaw Arferion Da – Cefnogi entrepreneuriaid anabl yng Nghymru | Busnes Cymru (gov.wales)