Mae diogelu eich eiddo deallusol yn ei gwneud hi'n haws i gymryd camau cyfreithiol yn erbyn unrhyw un sy’n ei ddwyn neu ei gopïo.
Rydych chi’n cael amddiffyniad awtomatig cyfyngedig am ychydig o eiddo deallusol, er enghraifft hawl dylunio. Fodd bynnag, mae'n haws profi eich bod yn berchen ar eiddo deallusol yn gyfreithiol os yw wedi'i gofrestru.
Cadwch eich eiddo deallusol yn gyfrinachol nes ei fod wedi'i gofrestru. Os oes angen i chi drafod eich syniad gyda rhywun, defnyddiwch gytundeb peidio â datgelu.
Mae gwahanol fathau o amddiffyniad gan ddibynnu ar beth rydych chi wedi'i greu.
| Math o amddiffyniad | Yr eiddo deallusol y mae’n ei gwmpasu | Yr amser i'w ganiatáu ar gyfer y cais |
| Cofrestru marc masnach | Enwau cynnyrch, logos, rhigymau | 4 mis |
| Cofrestru dyluniad | Ymddangosiad cynnyrch, gan gynnwys ei siâp, pecynnu, patrymau, addurno | 3 wythnos |
| Sicrhau hawlfraint ar gyfer eich gwaith | Gwaith ysgrifennu a llenyddol, celf, ffotograffiaeth, ffilmiau, teledu, cerddoriaeth, cynnwys ar gyfer y we | Nid oes angen cias |
| Patentu dyfais | Dyfeisiadau a chynhyrchion, er enghraifft peiriannau, meddyginiaethau | Tua 5 mlynedd |
I gael mwy o wybodaeth, cliciwch ar y ddolen ganlynol Intellectual property and your work: Protect your intellectual property - GOV.UK (www.gov.uk)
Dysgwch yr hanfodion ar ddiogelu a manteisio ar eich eiddo deallusol gyda chanllawiau gan ein harbenigwyr drwy fynd I'n tudalen gymorth Arloesi Eiddo Deallusol | Arloesi (gov.wales)