Mae Cronfa Dreftadaeth y Loteri a Cadw wedi cydweithio i lansio Grantiau Treftadaeth 15 Munud ar gyfer prosiectau sy’n cefnogi gweithgareddau amrywiol sy’n cynyddu ymgysylltiad pobl â threftadaeth y mae modd ei chyrraedd o’u cartref mewn tua 15 munud.
Mae grantiau rhwng £3,000 a £10,000 ar gael i awdurdodau lleol, sefydliadau trydydd sector a grwpiau gwirfoddol a chymunedol ar gyfer prosiectau bach sy’n helpu i gysylltu cymunedau yng Nghymru â’u treftadaeth leol.
Gallai hyn gynnwys adeiladau, tirnodau, parciau a gerddi, neu hyd yn oed y siop leol neu’r blwch post lleol. Gallai prosiectau gynnwys llwybrau cerdded newydd, murluniau neu arddangosfeydd gwybodaeth mewn ffenestri, ac adnoddau digidol newydd fel mapiau rhyngweithiol, fideos, arddangosfeydd a phodlediadau.
Y dyddiad cau ar gyfer ceisiadau yw 14 Hydref 2020.
I gael rhagor o wybodaeth, ewch i wefan Cronfa Dreftadaeth y Loteri.