A yw eich sefydliad wedi cyflwyno mentrau rhagorol mewn cydraddoldeb, amrywiaeth a chynhwysiant neu o ran hyrwyddo menywod mewn chwaraeon a gweithgarwch corfforol?
Efallai eich bod chi wedi bod yn arwain y ffordd o ran arloesi neu'r Gymraeg?
Neu a ydych chi'n gwneud gwahaniaeth o ran cynaliadwyedd neu effaith gymdeithasol yng Nghymru neu ei chymunedau?
Os ‘ydy/ydw’ yw’r ateb i unrhyw un o'r cwestiynau hynny, beth am roi cynnig ar Wobrau Cymdeithas Chwaraeon Cymru 2023.
Cynhelir y digwyddiad ar 8 Mehefin 2023 a bydd yn noson o ddathlu i gydnabod y gorau yn niwydiant chwaraeon a hamdden Cymru, hyrwyddo mentrau a llwyddiannau aelodau Cymdeithas Chwaraeon Cymru, gan hefyd sôn am fodelau a strategaethau arfer gorau sy'n helpu'r sector chwaraeon a hamdden Cymru i ddatblygu.
Dyma’r Gwobrau fydd ar gael ar y noson:
- Menter Cydraddoldeb, Amrywiaeth a Chynhwysiant Orau
- Menter Orau i Hyrwyddo Menywod mewn Chwaraeon a Gweithgarwch Corfforol
- Gwobr Arloesedd Orau
- Ymrwymiad Gorau i'r Gymraeg
- Menter Cynaliadwyedd Orau
- Menter Effaith Gymdeithasol Orau
- Menter Cydweithrediad Orau (Cyfranogi, Nawdd neu Ymgysylltu ag Aelodau)
- Ymgyrch Fwyaf Dylanwadol (Cyfathrebu, Cysylltiadau Cyhoeddus neu Eiriolaeth)
Y dyddiad cau ar gyfer ceisiadau yw 9 Ebrill 2023.
I gael mwy o wybodaeth, cliciwch ar y ddolen ganlynol WSA Sports Industry Awards 2023 - WSA