Cynhelir Wythnos Dysgu yn y Gwaith rhwng 15 a 21 Mai 2023 a'r thema eleni yw ‘Create the Future’ a chaiff ei harwain yn genedlaethol gan Campaign for Learning.
Mae Wythnos Dysgu yn y Gwaith yn ddigwyddiad blynyddol unigryw i feithrin diwylliannau dysgu yn y gwaith. Ei nod yw rhoi sylw i bwysigrwydd a manteision dysgu a datblygu parhaus.
Bob blwyddyn, mae miloedd o sefydliadau'n cynnal ymgyrchoedd a gweithgareddau bywiog, creadigol sy'n hyrwyddo diwylliant dysgu, yn ysgogi chwilfrydedd, yn cefnogi nodau sefydliadol ac yn ennyn diddordeb gweithwyr mewn dysgu.
Mae'r rhan fwyaf o gyflogwyr yn cynnal eu Hwythnos Dysgu yn y Gwaith yn ystod y dyddiadau cenedlaethol.
Fodd bynnag, os oes amser gwell i'ch sefydliad a'i weithwyr, gallwch ddefnyddio'r adnoddau rhad ac am ddim i gynnal yr wythnos ar ddyddiad gwahanol. Y peth pwysicaf yw bod Wythnos Dysgu yn y Gwaith yn cael ei lunio i weithio i'ch sefydliad chi, gan gynnwys pan fydd yn digwydd.
I gael mwy o wybodaeth, cliciwch ar y ddolen ganlynol Start Here (learningatworkweek.com)
Mae Llywodraeth Cymru wedi ymrwymo i gefnogi pobl i feithrin sgiliau a hyder i ddod o hyd i waith ac aros mewn gwaith. Bydd hefyd yn cefnogi cyflogwyr i ddod o hyd i'r gweithlu sydd ei angen arnynt er mwyn i'w busnesau ffynnu. I ddarganfod mwy, cliciwch ar y ddolen ganlynol Croeso i'r Porth Sgiliau i Fusnes - am gefnogaeth datblygu sgiliau | Busnes Cymru Porth Sgiliau (gov.wales)