Proffil y darparwr
Ynglŷn â’r tirfeddiannwr:
Siaradwr Cymraeg
25-40 oed
Mae Ystad Dinam yn falch o gynnig cyfle prin a chyffrous i unigolyn neu bâr uchelgeisiol ymuno â menter ffermio ar y cyd ar Fferm Tynywrta, fferm dda byw 235 erw sydd wedi'i lleoli yn Nyffryn Hafren Uchaf ger Llandinam, Powys. Mae'r fferm hon sydd â digon o adnoddau yn cyflwyno'r sylfaen ddelfrydol i bartner blaengar gyd-fuddsoddi mewn menter wartheg a/neu ddefaid cynaliadwy a helpu i lunio’r fenter honno ochr yn ochr â'r tirfeddiannwr.
Gydag adeiladau da byw modern, tir pori o safon yn amrywio o gaeau ar lethrau ysgafn i ucheldir cynhyrchiol, a'r opsiwn o ffermdy tair ystafell wely cyfforddus, mae Fferm Tynywrta yn cynnig yr isadeiledd a'r weledigaeth ar gyfer dyfodol amaethyddol ffyniannus. Mae'r fenter ar y cyd yn cynnwys perchnogaeth a rennir o dda byw, peiriannau ac offer, yn ogystal â rôl ystyrlon yng ngweithrediad dyddiol y fferm - gan wneud hwn yn gyfle gwirioneddol gydweithredol a gwerth chweil.
Fy nodau ar gyfer y 5 mlynedd nesaf
1. Buddsoddiad a pherchnogaeth ar y cyd: Gwir fenter ar y cyd lle mae ecwiti posibl mewn da byw, peiriannau ac offer yn adlewyrchu cydymrwymiad ac uchelgais a rennir.
2. Ffermio adfywiol a chynllunio busnes: System ffermio wedi'i llunio trwy gynllun busnes manwl a ddatblygwyd ar y cyd â'n partner (partneriaid), ac a arweinir gan egwyddorion adfywiol. Rydym yn cefnogi'n weithredol yr ymgysylltiad mwyaf posibl â'r Cynllun Ffermio Cynaliadwy (SFS), gan gynnwys ei haenau dewisol a chydweithredol.
3. Hyblygrwydd a hunaniaeth: Strwythur cytundeb a threfniadau gwaith — boed yn llawn amser neu'n rhan amser — wedi'u teilwra’n bersonol ar gyfer yr ymgeisydd cywir.
4. Tâl ac enillion: Tâl teg i reolwyr a gweithwyr, ochr yn ochr â chyfran o'r elw, er mwyn sicrhau bod ymdrech ac arbenigedd yn cael eu gwerthfawrogi'n briodol.
5. Partneriaeth wedi'i theilwra: Bydd y fenter ar y cyd yn cael ei llunio o amgylch profiad, gweledigaeth a nodau ein partner (partneriaid) dewisol, gyda lle i esblygu wrth i'r busnes dyfu.
6. Cymorth a datblygiad parhaus: Mynediad at gyngor gan ymgynghorwyr, cyfleoedd ar gyfer datblygiad proffesiynol, a chyfathrebu rheolaidd i feithrin menter wydn a blaengar.
Ynglŷn â'r fferm:
Arwynebedd y tir sydd ar gael
Fferm Tynywrta – daliad da byw 235 erw
(Wedi'i lleoli ger Llandinam, Powys yn Nyffryn Hafren Uchaf)
Tir pori o safon, 235 erw, yn amrywio o gaeau heb fod yn rhy serth i ucheldir cynhyrchiol,
Isadeiledd sydd ar gael
Adeiladau da byw modern, tir pori o safon yn amrywio o gaeau heb fod yn rhy serth i ucheldir cynhyrchiol, a'r opsiwn o ffermdy tair ystafell wely cyfforddus
Peiriannau ar gael
Na
Llety i'r sawl sy’n ymgeisio am y cyfle?
Oes
Yr ardal leol:
Mae Llandinam yn bentref ym Mhowys, canolbarth Cymru, gyda mynediad cyfleus i drefi cyfagos. Mae amwynderau hanfodol fel archfarchnadoedd, fferyllfeydd, ysgolion a gwasanaethau gofal iechyd ar gael yn Llanidloes (tua 5 milltir i ffwrdd) a'r Drenewydd (tua 8 milltir), ac mae'r ddau ohonynt hefyd yn darparu amrywiaeth o siopau, caffis, tafarndai a chyfleusterau hamdden. Mae'r ardal wedi'i chysylltu'n dda trwy'r A470, gan wneud teithio i'r gwaith yn syml, ac mae cysylltiadau cludiant cyhoeddus yn cynnwys gwasanaethau bws rheolaidd i'r trefi cyfagos.
Pa fath o gytundeb ydych chi'n ei ystyried?
Ffermio ar gontract
