Mae gorddrafft yn fath o gyllid dyled tymor byr y gallwch fanteisio arno pan fydd balans eich cyfrif yn gostwng islaw sero.

Byddwch yn gallu cael at swm o arian a drefnwyd ymlaen llaw, sy’n cael ei ddarparu gan eich banc fel credyd yn erbyn ffi benodol.

Mae gan bob banc ei delerau gorddrafft ei hun, felly gall y costau amrywio.

Manteision ac anfanteision gorddrafft 

Mae gorddrafft banc yn ddefnyddiol i reoli eich anghenion tymor byr, ond nid yw’n ffynhonnell addas o gyllid tymor hir. Er bod gorddrafftiau’n wych am esmwytho’r llif arian, maent yn ffordd ddrud o gael benthyciad craidd. Os byddwch yn eich gorddrafft fwy na hanner yr amser, mae angen ichi ailystyried eich strategaeth fuddsoddi. 

Sut mae cael gorddrafft busnes      

Mae’r banc yn ffrind ichi. Cymorth llif arian yw’r hyn y mae’n ei wneud yn dda iawn. Mae’n gwybod bod arian yn mynd i mewn i’ch cyfrif cyfredol drwy’r amser. Ac mae’n gwybod y gall ei atal rhag mynd allan unrhyw bryd, sy’n ei wneud yn llawer llai lletchwith am orddrafftiau na benthyciadau. 

Rhowch rybudd bob amser am eich gofynion. Mae gofyn am orddrafft gan y banc heb lawer o rybudd yn awgrymu diffyg rheoli ac yn ei wneud yn amheus. Dylech ymddwyn bob amser fel petai hwnnw yw’r peth mwyaf naturiol yn y byd i’w ddisgwyl, a bydd y banc yn rhannu eich hyder. 

Sicrhewch fod y berthynas yn fwy na dim ond yr amseroedd pan fydd angen ychydig o gymorth llif arian arnoch. Magwch berthynas â’ch banc – ewch â chopi o’r cyfrifon rheoli chwarterol i’r banc a slip cyfarchion gyda’r uchafbwyntiau cryno fel ‘masnach wedi cynyddu 40% y naill flwyddyn ar ôl y llall eto’. Os nad oes gennych gyfrifon rheoli chwarterol, dylech ystyried llunio’r rhain wrth symud ymlaen.       

Cewch wybod rhagor am reoli ariannol mewn busnes cymdeithasol. 

Ewch i wefan Cyllid Busnes Cymru i gael gwybod rhagor am fathau o gyllid a sut mae ymgeisio.