Yr adnodd storio data’n ddiogel ar-lein ar gyfer datblygiad proffesiynol parhaus. Cyfle unigryw i gadw eich holl gofnodion datblygiad proffesiynol a phersonol.
Gallwch chi, eich staff ac unrhyw sefydliadau neu ddarpar gyflogwyr gael mynediad at eich cymwysterau, eich sgiliau a’ch data datblygiad proffesiynol a’u diweddaru mewn un man diogel ar-lein.
Gan gymryd eich bod eisoes wedi cofrestru â Cyswllt Ffermio ac wedi cwblhau Cynllun Datblygu Personol, gallwch greu ‘proffil personol’ yn y Storfa Sgiliau mewn dim o dro.
Bydd Storfa Sgiliau yn eich galluogi i:
- Cael mynediad at adroddiad digidol, neu adroddiad mae modd ei lawrlwytho, sy’n cynnwys eich holl sgiliau, hyfforddiant a chyraeddiadau academaidd/proffesiynol perthnasol
- Rhoi tystiolaeth o hyfforddiant rydych chi wedi’i wneud ar gyfer Cynlluniau Gwarant Fferm a sefydliadau yn y gadwyn gyflenwi, gan gynnwys cyfanwerthwyr, adwerthwyr ac ati
- Cael mynediad at y ffeithiau angenrheidiol i ddiweddaru eich CV
Bydd eich cofnod yn y Storfa Sgiliau yn cynnwys
Gweithgareddau Cyswllt Ffermio (Bydd Cyswllt Ffermio yn uwchlwytho'r wybodaeth yma ar eich rhan)
- Pob tystysgrif/hyfforddiant wyneb yn wyneb achrededig Cyswllt Ffermio
- Pob modiwl e-ddysgu Cyswllt Ffermio rydych chi wedi'i gwblhau
- Presenoldeb mewn digwyddiadau trosglwyddo gwybodaeth Cyswllt Ffermio
- Cyfranogiad mewn prosiectau datblygiad personol neu fentrau penodol i sector Cyswllt Ffermio
Gweithgareddau nad ydynt yn cael eu cynnal gan Cyswllt Ffermio (Bydd Cyswllt Ffermio yn uwchlwytho'r wybodaeth yma ar eich rhan)
- Gall sefydliadau allanol, e.e. grwpiau cynhyrchwyr yn y gadwyn gyflenwi, anfon tystiolaeth o weithgareddau at Cyswllt Ffermio i’w uwchlwytho ar dudalen benodol ar Storfa Sgiliau.
- Bydd yr wybodaeth rydych wedi'i storio yma yn cefnogi mentrau presennol y gadwyn gyflenwi.
Fy lle (Cewch eich cynghori i uwchlwytho'r wybodaeth yma eich hun)
- Cymwysterau/tystysgrifau neu ddiplomâu academaidd a phroffesiynol
- Ysgoloriaethau/dyfarniadau (Nuffield, Hybu Cig Cymru ac ati)
- Rôl bresennol a chyfrifoldebau/cyraeddiadau ar y fferm ac oddi arni
- Swyddogaeth(au) a chyfrifoldebau/cyraeddiadau blaenorol
- Profiad gwaith neu interniaeth (gan gynnwys ymweliadau gwaith dramor)
- Aelodaeth o sefydliadau perthnasol e.e. Undebau Ffermio, CFfI Cymru, Ffermwyr Dyfodol Cymru
I storio a diweddaru eich holl gofnodion perthnasol ar y Storfa Sgiliau, mewngofnodwch i’ch Cyfrif BOSS drwy Sign on Cymru.