Partneriaethau Sgiliau Rhanbarthol
Mae Partneriaethau Sgiliau Rhanbarthol wedi'u sefydlu i ysgogi buddsoddiad mewn sgiliau drwy ddatblygu ymatebion sy'n seiliedig ar angen lleol a rhanbarthol.
Dyma'r Partneriaethau Sgiliau Rhanbarthol:
- Partneriaeth Sgiliau Ranbarthol Gogledd Cymru
- De-ddwyrain Cymru Partneriaeth Sgiliau Prifddinas-Ranbarth Caerdydd
- Partneriaeth Ddysgu a Sgiliau Ranbarthol De Orllewin a Chanolbarth Cymru
- Partneriaeth Sgiliau Rhanbarthol Canolbarth Cymru
Gwaith Partneriaethau Sgiliau Rhanbarthol (PSRhau) yw dadansoddi'r heriau economaidd a'r meysydd twf tebygol er mwyn nodi'r sgiliau sydd eu hangen o fewn y gweithlu.
Maent yn creu Cynlluniau Cyflogaeth a Sgiliau Rhanbarthol er mwyn dadansoddi a dylanwadu ar ddarpariaeth sgiliau'n seiliedig ar angen economaidd rhanbarthol, i gefnogi twf a phrosiectau seilwaith allweddol ym mhob rhanbarth.
Mae'r Cynlluniau Cyflogaeth a Sgiliau Rhanbarthol yn cefnogi ac yn adeiladu ar flaenoriaethau a nodwyd gan Ardaloedd Menter, y Fargen Ddinesig, Dinas-ranbarthau a thrwy gydweithio trawsffiniol.
Caiff y cynlluniau eu hailwampio bob tair blynedd a byddent yn cyflwyno argymhellion i Lywodraeth Cymru er mwyn dylanwadu ar benderfyniadau ynghylch blaenoriaethu a'r defnydd o gyllid ar gyfer sgiliau gan gynnwys dyraniadau Prentisiaeth ac Addysg Bellach
O fewn eu rhanbarthau, mae PSRhau hefyd yn ymwneud â gwaith ymchwil parhaus, Gwybodaeth am y Farchnad Lafur, datblygu a chyflawni prosiectau Cronfa Gymdeithasol Ewrop, sicrhau bod rhanbarthau'n cydweddu'n strategol â chynigion am gyllid oddi wrth Ewrop, a gweithio gyda chwmnïau angori a chwmnïau eraill o bwysigrwydd rhanbarthol.
Cynlluniau Cyflogaeth a Sgiliau Rhanbarthol 2019-22
- De Ddwyrain Cymru - Partneriaeth Sgiliau Prifddinas-Ranbarth Caerdydd (PSPRC)
- Gogledd Cymru - Partneriaeth Sgiliau Rhanbarthol Gogledd Cymru (PSRGC) - Cynllun Fersiwn Cryno
- De Orllewin a Chanolbarth Cymru - Partneriaeth Dysgu a Sgiliau Rhanbarthol (RLP)
- Partneriaeth Sgiliau Rhanbarthol Canolbarth Cymru - Cynllun ar y gweill ar hyn o bryd
Adolygiad Annibynnol o’r Partneriaethau Sgiliau Rhanbarthol
Ym mis Mawrth 2019 comisiynwyd SQW i ystyried cysondeb mewnwelediad a gwybodaeth am sgiliau a gesglir gan y PSRhau a sut y defnyddir ac y cyflwynir hyn; a sut mae’r PSRhau yn cyfrannu at, llywio ac yn cael eu llywio gan gynlluniau’r Bargenion Twf a Dinesig. Cynhaliwyd yr ymchwil ym misoedd Mawrth ac Ebrill ac roedd yn cynnwys ymgynghoriad gyda rheolwyr a chadeiryddion y PSRhau, yn ogystal â rhanddeiliaid ehangach.
Mae canfyddiadau'r adolygiad ar gael yma yn adroddiad SQW ar gyfer Llywodraeth Cymru - “Adolygiad Annibynnol o gynllunio seiliedig ar dystiolaeth y Partneriaethau Sgiliau Rhanbarthol”.
Mae Llywodraeth Cymru wedi llunio cyfres o dri Adroddiad Rhanbarthol ar Wybodaeth am y Farchnad Lafur er mwyn sicrhau bod gan y Partneriaethau Sgiliau Rhanbarthol set gyson o wybodaeth graidd am y farchnad lafur i seilio eu Cynlluniau Cyflogaeth a Sgiliau Rhanbarthol arnynt.
Yn ogystal â helpu'r Partneriaethau Sgiliau Rhanbarthol, dylai'r Adroddiadau Rhanbarthol ar Wybodaeth am y Farchnad Lafur fod yn ffynhonnell wybodaeth hwylus i bob defnyddiwr.
- Adroddiad Rhanbarthol Gwybodaeth am y Farchnad Lafur - De-ddwyrain Cymru
- Adroddiad Rhanbarthol Gwybodaeth am y Farchnad Lafur - De-orllewin a Chanolbarth Cymru
- Adroddiad Rhanbarthol Gwybodaeth am y Farchnad Lafur - Gogledd Cymru
Sgiliau Map Partneriaeth Ranbarthol
I gael gwybod sut mae ein partneriaid rhanbarthol yn bwriadu ymdrin a’r blaenoriaethau economaidd yn eich rhanbarth, cliciwch ar eich rhanbarth chi.
Mae Partneriaeth Sgiliau Ranbarthol Gogledd Cymru
Mae Partneriaeth Sgiliau Ranbarthol Gogledd Cymru'n cynnwys y canlynol:
Ynys Môn, Gwynedd, Conwy, Sir Ddinbych, Sir y Fflint a Wrecsam.
Cysylltwch â: Sian Lloyd Roberts
SianLloydRoberts@gwynedd.llyw.cymru
Gwefan: http://www.partneriaethsgiliaugogledd.cymru/
Yr Arsyllfa Economaidd: http://nwef.infobasecymru.net/IAS/
Mae Partneriaeth Sgiliau Rhanbarthol Canolbarth Cymru yn cynnwys:
Ceredigion and Powys.
Cysylltwch â: Aggie Caesar-Homden
Aggie.caesar-homden@powys.gov.uk
Gwefan: Partneriaeth Sgiliau Rhanbarthol Canolbarth Cymru - Growing Mid Wales
Yr Arsyllfa Economaidd: tbc
Mae Partneriaeth Dysgu Ranbarthol y De Orllewin yn cynnwys:
Sir Benfro, Sir Gaerfyrddin, Castell-nedd Port Talbot ac Abertawe.
Cysylltwch â: Jane Lewis
jelewis@carmarthenshire.gov.uk
Gwefan: Partneriaeth Sgiliau Rhanbarthol Canolbarth Cymru - Tyfu Canolbarth Cymru
Yr Arsyllfa Economaidd:
https://www.data.cymru/rlp
Mae Partneriaeth Sgiliau Prifddinas-Ranbarth Caerdydd yn cynnwys y canlynol:
Blaenau Gwent, Pen-y-bont ar Ogwr, Caerffili, Caerdydd, Merthyr Tudful, Sir Fynwy, Casnewydd, Torfaen, Rhondda Cynon Taf a Bro Morgannwg.
Cysylltwch â: RegionalSkillsPartnership@newport.gov.uk