Ardal Fenter Canol Caerdydd
Mae Ardal Fenter Canol Caerdydd yn ardal fusnes 140 erw (56.7 hectar) yng nghanol y brifddinas agosaf i Lundain, gyda gorbenion llawer is.
- Y brifddinas agosaf i Lundain, ond gyda chostau cyflogau a rhent swyddfeydd Graddfa A sy’n is o lawer
- Band eang cyflym, cost isel drwy’r gyfnewidfa rhyngrwyd sy’n tyfu gyflymaf yn y DU
- Sylfaen boblogaeth fawr o fewn pellter cymudo
- Canolfan trafnidiaeth gyhoeddus integredig yng nghanol yr Ardal
- Llywodraeth gefnogol, ddatganoledig ac awdurdod lleol rhagweithiol
- Ymleolwch ochr yn ochr â busnesau sy’n flaenllaw yn y DU ac yn rhyngwladol fel Legal and General, SKY, RBS, Deloitte, a’r BBC
- Seilwaith cyfleustodau cydnerth
- Canolfannau data lleol a diogel, gan gynnwys Canolfan Data Haen 3
- Tair prifysgol; tair ysgol fusnes, tair ysgol y gyfraith
- Sectorau allweddol: Gwasanaethau Ariannol a Phroffesiynol, TGCh, Diwydiannau Creadigol
Mae dynodiad Ardal Fenter Canol Caerdydd yn brawf o’n huchelgais i sefydlu Caerdydd fel prif leoliad busnes y DU ar ôl Llundain.
Mae’n uchelgais sylweddol ac rydyn ni’n deall ein rôl o ran ei gwireddu, drwy fuddsoddi mewn datblygu seilwaith ac eiddo a chydlynu hynny.
Mae bod yn feiddgar wedi talu ar ei ganfed i Gaerdydd. Mae’n ddinas flaengar sydd wedi profi gweddnewidiad ffisegol trawiadol a thwf economaidd eithriadol dros y blynyddoedd diwethaf:
- Mae wedi dod yn gartref i leoliadau o safon fyd-eang fel Stadiwm Principality a Chanolfan Mileniwm Cymru, gan ei chadarnhau fel un o hoff gyrchfannau dinas twristiaid
- Mae’n cynnig amrywiaeth eang o ofod busnes o ansawdd uchel i ddiwallu anghenion busnesau modern am gostau galwedigaethol cystadleuol iawn
- Mae’n cynnig cyfle i fewnfuddsoddwyr ymleoli ochr yn ochr â busnesau a sefydliadau sy’n flaenllaw yn y DU ac yn rhyngwladol, gan gynnwys Legal and General, SKY, RBS, Deloitte, a’r BBC
- Mae’n darparu cyfleoedd ar gyfer buddsoddiad a datblygiad defnydd cymysg newydd i gynyddu ymhellach yr ymdeimlad o le, bywyd ac egni sy’n bodoli yn yr Ardal yn barod