![20mph sign](/responsible-business/sites/maingel2/files/styles/post_featured/public/images/20mph.png.webp?itok=hSvMicHF)
Bydd Llywodraeth Cymru'n gwrando ar bobl Cymru ac yn gweithio gyda chynghorau i dargedu newidiadau i'r terfyn cyflymder 20mya, meddai Ysgrifennydd y Cabinet Ken Skates.
Mewn araith yn y Senedd yn esbonio ei flaenoriaethau ar gyfer trafnidiaeth, addawodd Ysgrifennydd y Cabinet y byddai llais pobl Cymru yn ganolog i bob penderfyniad ar drafnidiaeth gan ddatgelu cynllun tri cham ar gyfer y terfyn 20mya.
Ynghyd â rhaglen i wrando ar y wlad, bydd Llywodraeth Cymru'n cydweithio ag awdurdodau lleol i baratoi'r tir ar gyfer newid y canllawiau ar ba ffyrdd lleol allai gael eu heithrio rhag y terfyn 20mya. Caiff y canllaw newydd ei gyhoeddi ym mis Gorffennaf, a bydd disgwyl i Gynghorau ddechrau ymgynghori ar y newidiadau ym mis Medi.
Mae hwn yn rhan o gynllun tri cham, sy'n cynnwys:
- Rhaglen o wrando go iawn ar y bobl.
- Gweithio mewn partneriaeth â chyrff allweddol i barato'r tir ar gyfer newid.
- Rhoi'r newidiadau angenrheidiol ar waith ar lawr gwlad.
I gael mwy o wybodaeth, dewiswch y ddolen ganlynol: