![Funding](/responsible-business/sites/maingel2/files/styles/post_featured/public/images/startup-594090_640_1.jpg.webp?itok=hWTpkuTE)
Gwiriwch a yw'ch busnes yn gymwys i elwa o grantiau i helpu i leihau eich costau.
Gall busnesau micro, bach a chanolig yn y sectorau manwerthu, lletygarwch a hamdden nawr wirio a ydynt yn gymwys i gael cyllid gan Lywodraeth Cymru i'w helpu i leihau eu costau.
Bydd grantiau o rhwng £5,000 a £10,000 ar gael drwy Gronfa Paratoi at y Dyfodol Llywodraeth Cymru i helpu busnesau i fuddsoddi mewn technoleg ynni adnewyddadwy, gwneud gwelliannau i adeiladwaith eu hadeiladau, ac uwchraddio systemau neu beiriannau i leihau'r defnydd o ynni.
Er mwyn gwneud cais am y grant, mae'n rhaid i'r busnes:
- fod wedi ei leoli yng Nghymru ac yn cyflogi pobl yng Nghymru;
- gyflogi rhwng 1 a 249 o bobl;
- fod yn masnachu ers cyn 1 Ebrill 2023;
- fod yn gweithredu o eiddo sydd â gwerth ardrethol rhwng £6,001 a £51,000; a
- fod naill ai'n berchen neu'n prydlesu'r safle busnes ar brydles o leiaf 3 blynedd sy'n ymestyn y tu hwnt i 1 Ebrill 2026.
Gwiriwch a ydych yn gymwys i gael y cyllid, cyn i'r ceisiadau agor ym mis Mai 2024.
Mae’r alwad ar gyfer y gronfa gystadleuol hon yn agored ar gyfer ceisiadau hyd at 11:59pm ddydd Iau 6 Mehefin 2024 neu hyd nes y bydd cyfanswm gwerth y ceisiadau a gyflwynir yn fwy na’r dyraniad cyllidebol.
Gallwch ddefnyddio'r offeryn hwn i wirio eich cymhwysedd ar gyfer y cyllid: https://businesswales.gov.wales/cy/cronfa-paratoiaty-dyfodol
Mae'r dyddiad cau ar gyfer ceisiadau wedi'i ymestyn i 12pm, 13 Mehefin 2024.