![Lon Las Cefni](/responsible-business/sites/maingel2/files/styles/post_featured/public/images/_NVW-F22-2324-0407.jpg.webp?itok=9exidNxp)
Mae Wythnos y Beic 2024 yn cael ei chynnal rhwng 10 a 16 Mehefin, ac mae’n argoeli i fod hyd yn oed yn well ac yn fwy na 2023 pan fu dros 220 o fusnesau a sefydliadau ledled y DU yn cymryd rhan.
Mae gan sefydliadau ran bwysig i'w chwarae wrth ddatgarboneiddio'r economi a sicrhau bod targedau sero net yn cael eu cyrraedd. Ac er mai trafnidiaeth yw ffynhonnell unigol fwyaf allyriadau yn y DU o hyd, mae edrych ar sut yr ydym yn teithio o un lle i’r llall yn rhan bwysig o hyn. P’un ai wrth gymudo neu ar unrhyw daith fusnes arall, gall teithio llesol wneud cyfraniad sylweddol at leihau allyriadau. Ond nid yr amgylchedd yn unig sy’n manteisio yn sgil hyn; mae beicio’n hybu iechyd ac yn arbed arian i unigolion – ac mae’n gwneud synnwyr busnes hefyd.
Cliciwch ar y ddolen ganlynol i gael rhagor o wybodaeth: Bike Week | Cycling UK
Mae’r Addewid Twf Gwyrdd yn helpu busnesau Cymru i gymryd camau rhagweithiol tuag at wella eu cynaliadwyedd, gan ddangos eu heffaith gadarnhaol ar y bobl a'r mannau o'u cwmpas. Cofrestrwch heddiw ar Addewid Twf Gwyrdd | Busnes Cymru (llyw.cymru)