![Boxes with recycling logo](/responsible-business/sites/maingel2/files/styles/post_featured/public/images/Boxes%20with%20recycling%20logo.png.webp?itok=9LFpwElf)
Mae Cymru Iach ar Waith wedi cyhoeddi canllawiau newydd i gyflogwyr ynghylch cynaliadwyedd amgylcheddol, sy’n ymdrin â sut mae rheoli adnoddau naturiol yn gyfrifol er budd cenedlaethau'r presennol a'r dyfodol.
Mae 'Ymgorffori Cynaliadwyedd Amgylcheddol i Lesiant yn y Gweithle' yn tynnu sylw cyflogwyr at sut y gall rheoli adnoddau mewn ffyrdd cyfrifol – lleihau gwastraff, hyrwyddo’r defnydd o ynni adnewyddadwy, a lleihau llygredd – fod o fudd i'w busnes, i’w gweithwyr, ac i’r blaned.
Cewch ddysgu am y cysylltiadau rhwng newid hinsawdd a chynaliadwyedd yn ogystal â dod o hyd i strategaethau ar gyfer arferion swyddfa gwyrdd, cludiant gweithredol, gweithio o bell, a dewisiadau bwyd cynaliadwy. Gall arferion busnes ecogyfeillgar leihau argyfyngau hinsawdd a meithrin gweithle iachach a mwy cynaliadwy. Mae dolenni i wybodaeth ac adnoddau ychwanegol i’w cael ar y wefan newydd hefyd.
Mae rhagor o wybodaeth ar gael ar wefan Cymru Iach ar Waith: Cynaliadwyedd Amgylcheddol - Iechyd Cyhoeddus Cymru (gig.cymru)
Mae’r Addewid Twf Gwyrdd yn helpu busnesau Cymru i gymryd camau gweithredol tuag at wella eu cynaliadwyedd, arddangos yr effaith gadarnhaol maent yn ei gael ar bobl a lleoedd o’u cwmpas, yn ogystal ag ymuno â chymuned gynyddol o sefydliadau blaengar sy’n helpu Cymru i bontio dyfodol carbon isel: Addewid Twf Gwyrdd | Busnes Cymru (gov.wales)