![Cross Foxes](/responsible-business/sites/maingel2/files/styles/960x410/public/images/Cross%2520Foxes%25202%5B1%5D.JPG.webp?itok=FkHYBTOi)
Mae perchennog tafarn yng Ngogledd Cymru wedi ei thrawsnewid yn siop gymunedol i helpu'r trigolion lleol yn ystod y cyfnod clo.
Ar ôl wynebu nifer o heriau yn sgil pandemig Covid-19, penderfynodd Janet a Tim Costidell, gŵr a gwraig, droi eu tafarn bentrefol draddodiadol yn siop gymunedol a gwasanaeth cludo i helpu'r rhai oedd fwyaf mewn angen yn ystod y cyfnod clo. Mae'r teulu entrepreneuraidd wedi elwa o'r cyngor parhaus a chefnogaeth gan wasanaeth Busnes Cymru Llywodraeth Cymru, gan gychwyn yn 2013 wrth gymryd rheolaeth dros y dafarn, ac yna ei datblygu'n dafarn bentrefol lwyddiannus a hwb cymunedol.
Cyflwyniad i'r busnes
Bu i Janet a Tim Costidell gymryd yr awenau yn y dafarn yn Ionawr 2013, ac ers hynny maen nhw wedi creu tafarn draddodiadol, bentrefol a chyfeillgar, yn ogystal â hwb croesawgar i'r gymuned leol.
Pam wnaethoch chi benderfynu cychwyn eich busnes eich hun?
Pa heriau a chyfleoedd y wyneboch chi yn sgil pandemig Covid-19?
Yna, penderfynasom agor siop dros dro yn ein hystafell ddigwyddiadau. Mae gennym oergell arddangos poteli ar gyfer digwyddiadau awyr agored, a bu i ni ei defnyddio i stocio'r holl bethau hanfodol. Bu i ni weithredu system giwio pellter cymdeithasol, a oedd yn llwyddiant. Gwnaed defnydd da o'r gwasanaeth cludo bwyd/i fynd - roeddem yn brysur iawn! Cychwynasom bobi sgoniau a theisennau ar foreau Iau, ac roedd y ciw amdanynt yn ymestyn i lawr y ffordd!
Pan roeddem yn cael ail agor y tu allan, bu i ni greu system grid gyda phaent marcio i greu llinellau ar ein maes parcio a gardd gwrw, a gosod y byrddau oddi wrth ei gilydd i'r pellter diogel, wrth barhau i gynnig gwasanaeth bwyd i fynd. Yn anffodus, bu i ni ddysgu y byddai gweithredu gwasanaeth bwrdd yn gostus tu hwnt, felly cysylltais â Swyddog Iechyd Amgylcheddol, a chytunwyd i adael i’n cwsmeriaid ddod at y bar o bellter, a oedd yn rhyddhad enfawr. Rydym hefyd wedi codi pabell fawr, a gafodd ei rhoi gan un o'n cwsmeriaid, fydd yn cynyddu'r nifer o lefydd eistedd.
Cymorth Busnes Cymru
Cynlluniau a dyheadau ar gyfer y dyfodol
Ar y cyfan, mae wedi bod yn gyfnod heriol iawn, felly nid wyf yn credu y gall unrhyw un yn y diwydiant lletygarwch, yn enwedig tafarndai gwledig bach, feddwl am gynllun hir dymor yn y sefyllfa bresennol.
Os hoffech ddarllen rhagor o straeon llwyddiant am sut mae Busnes Cymru wedi helpu pobl eraill fel chithau i ddechrau neu dyfu busnesau, ewch i https://businesswales.gov.wales/cy/astudiaethau-achos neu dilynwch @_businesswales / @_busnescymru ar Twitter.