![Missing media item. Missing media item.](/responsible-business/core/modules/media/images/icons/no-thumbnail.png)
Rydyn ni i gyd yn byw yn hirach, sy'n golygu bod y mwyafrif ohonom yn debygol o fod yn gweithio am gyfnod hirach hefyd. Yng Nghymru, mae traean o'r gweithlu yn 50 oed neu'n hŷn, ac erbyn 2023, bydd hanner oedolion y DU dros 50 oed.
Mae’ch cwsmeriaid a'ch gweithlu'n heneiddio. Felly, mae recriwtio, cadw staff ac ailhyfforddi unigolion hŷn yn y gweithle yn hanfodol i fusnesau a'r economi ehangach. Mae angen i fusnesau weithredu nawr i atal staff rhag adael y gweithle yn gynnar, cefnogi staff i weithio’n hirach a gwneud y gorau o’r manteision a ddaw yn y gweithleoedd drwy bontio'r cenedlaethau.
Mae’r Adolygiad Busnes Oed-gynhwysol (Age-Inclusive Business Review), Busnes yn y Gymuned (BITC) yn adnodd hunan-asesu rhad ac am ddim, ar-lein i helpu i nodi bylchau ac amlygu cryfderau mewn perthynas â bod yn gyflogwr oedran-gynhwysol ac oedran-gyfeillgar.
Bydd yn cymryd tua 25 munud i'w gwblhau, a byddwch yn derbyn argymhellion cynhwysiant oedran pwrpasol ar gyfer eich sefydliad.
Mae’r cwestiynau ar argymhellion cysylltiedig yn dilyn pedair thema allweddol: Lles Ariannol, Iechyd a Lles, Cydbwysedd Bywyd a Gwaith ac Arferion Yn y Gweithle (h.y. recriwtio, cadw staff, ymddeol, hyfforddiant).
Drwy ddatblygu cynllun gweithredu effeithiol sy'n gynhwysol o ran oedran, gall eich busnes a'i weithlu elwa o gydbwysedd gwell rhwng bywyd a gwaith, ymgysylltu gwell â staff a gweithwyr mwy bodlon a chynhyrchiol.
Mae Busnes yn y Gymuned Cymru mewn partneriaeth ag Age Cymru yn darparu’r Rhaglen Age at Work, gan gefnogi busnesau i greu gweithleoedd lle gall gweithwyr hŷn ffynnu.
I gofrestru ar gyfer gweithdai ar-lein rhad ac am ddim y Rhwydwaith Dysgu Oed-gynhwysol, ewch i’r ddolen ganlynol Age-Inclusive Learning Network - online workshops for employers in Wales Tickets, Thu 20 Apr 2023 at 10:00 | Eventbrite