![people holding speech bubbles](/responsible-business/sites/maingel2/files/styles/post_featured/public/images/shutterstock_2129982677_0.jpg.webp?itok=5hOPtFGy)
Mae busnesau sydd wrthi’n tyfu yn chwarae rhan allweddol yn economi’r Deyrnas Unedig (DU). Mae’n hanfodol bod lleisiau busnes yn cael eu clywed a bod y rhwystrau sy’n atal twf parhaus yn cael eu dileu.
Mae’r ScaleUp Institute yn gweithio i wneud y DU y lle gorau yn y byd i fusnes ehangu a thyfu, ac mae Arolwg Blynyddol ScaleUp yn darparu data a thystiolaeth bwysig i helpu i sicrhau eich bod yn cael y cymorth sydd ei angen arnoch i gynnal, cyflawni a rhagori ar eich dyheadau o ran twf.
Bob blwyddyn, mae cannoedd o fusnesau sydd wrthi’n tyfu yn cymryd rhan yn yr arolwg hwn. Mae’r canfyddiadau’n llywio ac yn llunio’r cymorth y gall y sector preifat a’r sector cyhoeddus ei gynnig i helpu eich busnes i barhau i dyfu. Hyd yn hyn, mae gwybodaeth o’r Arolwg Blynyddol wedi llywio:
- Scaleup Visa
- Future Fund Breakthrough
- diwygiadau i ddatgloi cyfalaf sefydliadol
- Strategaethau Arloesi ac Allforio newydd
- ehangu polisïau llywodraeth y DU megis y Cronfeydd Rhanbarthol, yn ogystal ag asiantaethau fel Innovate UK
Mae llawer mwy y mae angen ei wneud. Yn arolwg eleni, gofynnir am safbwyntiau er mwyn deall y rhwystrau presennol rhag twf eich busnes yn y dyfodol, a’r hyn y credwch a allai wneud gwahaniaeth gwirioneddol a dylanwadol.
Dylai’r arolwg gymryd tua 30-40 munud i’w lenwi.
Y dyddiad cau ar gyfer llenwi’r arolwg yw 1 Hydref 2023.
I gael rhagor o wybodaeth ac i lenwi’r arolwg, dewiswch y ddolen ganlynol:
Survey (focusvision.com)