Os gall eich busnes helpu gyda’r ymateb i goronafeirws, gallwch ddefnyddio gwasanaeth cymorth gan fusnesau Llywodraeth y DU i helpu.
Gofynnir rhai cwestiynau i chi am y math o gymorth y gallwch ei roi ac yna bydd rhywun yn cysylltu â chi cyn gynted â phosibl os oes angen eich cymorth.
Mae’r cymorth sydd ei angen yn cynnwys pethau fel:
- cyfarpar profion meddygol
- dylunio cyfarpar meddygol
- cyfarpar diogelu ar gyfer gweithwyr gofal iechyd, fel masgiau, gynau a hylif diheintio
- ystafelloedd mewn gwestai
- trafnidiaeth a logisteg, ar gyfer symud nwyddau neu bobl
- cyfarpar gweithgynhyrchu
- gofod warws neu swyddfa, at ddefnydd meddygol neu storio
- arbenigedd neu gymorth gyda TG, gweithgynhyrchu, adeiladu, rheoli prosiect, caffael neu beirianneg
- gofal cymdeithasol neu ofal plant
Am ragor o wybodaeth, ewch i wefan GOV.UK.