![Pride Cymru](/responsible-business/sites/maingel2/files/styles/post_featured/public/images/SVW-C21-1617-0035.jpeg.webp?itok=H8LUqeVf)
Mae Llywodraeth Cymru yn dymuno ehangu Cronfa Balchder Llawr Gwlad i ardaloedd mwy gwledig a threfi llai, i helpu i greu cyfleoedd i bobl ddod at ei gilydd a bod yn driw i’w hunain ledled Cymru.
Bydd y gronfa yn helpu i gefnogi digwyddiadau i greu amgylchedd diogel a chroesawus ar gyfer pobl LHDTC+ ac yn helpu digwyddiadau Balchder llai ledled Cymru i ymgysylltu â phobl LHDTC+ a chymunedau ehangach a’u cefnogi.
Dylid cael un ymgeisydd arweiniol a fydd yn gweithredu fel rheolwr y prosiect ac sy’n gyfrifol am reoli’r dyfarniad cyllid o ddydd i ddydd.
Dyma rai o dargedau’r Gronfa:
- cynnal digwyddiad Balchder LHDTC+ mewn lleoliad yng Nghymru, a all gynnwys cyfleoedd i berfformwyr ac artistiaid LHDTC+
- cynnal gwaith maes gyda chymunedau ehangach, gan ganolbwyntio ar archwilio gofodau mwy diogel a chefnogi gweithgareddau cymdeithasol newydd
- cyfrannu at ein hymrwymiad yn ein Rhaglen Lywodraethu i Gymru fod y wlad fwyaf cyfeillgar i bobl LHDTC+ yn Ewrop
Rydym yn annog sefydliadau i gyflwyno cais erbyn 7 Ebrill 2024 neu cyn hynny. Gellid ystyried ceisiadau sy’n dod i law ar ôl y dyddiad hwnnw, os bydd y cyllid ar gael.
I gael mwy o wybodaeth, cliciwch ar y ddolen ganlynol: Cronfa Balchder Llawr Gwlad | LLYW.CYMRU