![Woman using tech gadgets and apps for everyday life](/responsible-business/sites/maingel2/files/styles/post_featured/public/images/shutterstock_1843214212.jpg.webp?itok=bSm8yKFy)
Mae Deddf Diogelwch Ar-lein y DU wedi dod yn gyfraith yn ddiweddar, ac fel y rheoleiddiwr annibynnol, mae Ofcom wedi cyhoeddi ei brif ymgynghoriad cyntaf yn ddiweddar ar weithredu’r rheolau newydd, gan gynnwys codau ymarfer a chanllawiau drafft.
Gwahoddir busnesau i gyfres o weminarau a fydd yn cwmpasu cynigion Ofcom ar gyfer sut dylai gwasanaethau ar-lein ymdrin â’u dyletswyddau newydd yn gysylltiedig â chynnwys anghyfreithlon. Gallwch chi wirio a yw’r rheolau newydd yn debygol o fod yn berthnasol i chi.
Bydd y weminar hon yn darparu trosolwg o sut mae Ofcom yn bwriadu gweithredu’r gyfraith yn ymarferol, y canllawiau a’r codau drafft a gyhoeddwyd, beth fydd angen i fusnesau ei wneud i gydymffurfio â’r dyletswyddau newydd ynghylch cynnwys anghyfreithlon, a sut gallwch chi ymateb i’r ymgynghoriad.
Mae dyddiadau a ffocws ar gyfer pob gweminar fel a ganlyn:
- Gweminar 1, 12 Rhagfyr 2023, 11am tan 12pm: Cyflwyniad i’r Ddeddf Diogelwch Ar-lein a’r ymgynghoriad ar niwed anghyfreithlon – beth mae hyn yn ei olygu i chi a’ch busnes? Cofrestrwch ar gyfer Gweminar 1.
- Gweminar 2, 16 Ionawr 2024, 10am tan 11am: Cyflwyniad i asesiadau risg cynnwys anghyfreithlon – sut gall yr asesiad risg eich helpu i wella diogelwch ar gyfer eich defnyddwyr. Cofrestrwch ar gyfer Gweminar 2.
- Gweminar 3, 18 Ionawr 2024, 11am tan 12pm: Cyflwyniad i Godau ymarfer drafft Ofcom ar gyfer niwed anghyfreithlon – sut gallwch chi leihau risg niwed anghyfreithlon i’ch gwasanaeth. Cofrestrwch ar gyfer Gweminar 3.
Os oes gennych chi unrhyw gwestiynau ynglŷn â’r digwyddiad hwn, cysylltwch â: ofcomevents@ofcom.org.uk