![Vapes](/responsible-business/sites/maingel2/files/styles/post_featured/public/images/Vapes.JPG.webp?itok=FS1cI-tg)
Mae'r Dirprwy Weinidog Iechyd Meddwl a Llesiant, Lynne Neagle, wedi cyhoeddi bod Llywodraeth Cymru yn rhoi cyllid i Safonau Masnach Cymru er mwyn helpu i fynd i'r afael â fepio anghyfreithlon yng Nghymru.
Bydd y cyllid yn adeiladu ar ymgyrch flaenorol i fynd i'r afael â thybaco anghyfreithlon, lle cymerwyd meddiant o dros 840,000 o sigaréts anghyfreithlon a mwy na 400 cilogram o dybaco rholio â llaw anghyfreithlon o eiddo masnachol yng Nghymru.
Bydd swyddogion Safonau Masnach Cymru yn mynd i'r afael â fepio anghyfreithlon drwy:
- ymgymryd â phryniant prawf
- defnyddio cŵn i adnabod manwerthwyr twyllodrus
- casglu gwybodaeth
- cynnal gwiriadau mewn porthladdoedd i sicrhau bod cynhyrchion sy'n anghyfreithlon ac o bosibl yn beryglus yn cael eu tynnu oddi ar y silff yn gyflym ac yn effeithiol
Bydd hyn yn helpu i ddiogelu defnyddwyr rhag y cynhyrchion hyn, gan gynnwys plant a phobl ifanc sy'n fepio fwyfwy, ac amddiffyn busnesau cyfreithlon yng Nghymru.
I gael rhagor o wybodaeth, cliciwch ar y ddolen ganlynol: Cyllid Llywodraeth Cymru i fynd i'r afael â'r farchnad fepio anghyfreithlon | LLYW.CYMRU