![Green building](/responsible-business/sites/maingel2/files/styles/post_featured/public/images/Untitled%20%2834%29.png.webp?itok=n_yLiJ0C)
Ydy’ch egin fusnes yn helpu i gyflymu llwybr Llywodraeth y Deyrnas Unedig tuag at sero net? Ydych chi eisiau cynyddu ymwybyddiaeth o’ch egin fusnes ledled y Deyrnas Unedig a’r Dwyrain Canol? Os felly, dyma’r gystadleuaeth i chi.
Mae Uned Cyfalaf Menter yr Adran Busnes a Masnach yn lansio ei thrydedd gystadleuaeth dwf genedlaethol, sef ‘Adeiladwyr Gwyrdd Yfory’. Dyluniwyd y gystadleuaeth i amlygu’r cwmnïau cam cynnar gorau a fydd yn cefnogi uchelgais Llywodraeth y Deyrnas Unedig o gefnogi swyddi gwyrdd a chyflymu llwybr y Deyrnas Unedig tuag at sero net. Mae ynni glân a thechnoleg amgylcheddol yn sectorau strategol ar gyfer y Deyrnas Unedig, yr Emiraethau Arabaidd Unedig a Saudi Arabia.
Nod y gystadleuaeth hon yw amlygu a grymuso egin fusnesau yn y Deyrnas Unedig sy’n cefnogi amcanion Llywodraeth y Deyrnas Unedig o fod yn sero net erbyn 2050, gan helpu’r Deyrnas Unedig i ddod yn arweinydd byd-eang ym maes ynni adnewyddadwy, cynaliadwyedd a thechnoleg amaethyddol.
Os hoffech gael eich ystyried ar gyfer y cyfle unigryw hwn, cofrestrwch erbyn 12 Mawrth 2024.
I gael rhagor o wybodaeth, dewiswch y ddolen ganlynol: Green Builders of Tomorrow Comp (2023) (eventscloud.com)