![Tattoo artist](/responsible-business/sites/maingel2/files/styles/post_featured/public/images/AdobeStock_284136928.jpg.webp?itok=mNq5q1X0)
Mae Llywodraeth Cymru eisiau eich barn ar reoliadau a chanllawiau statudol drafft i sefydlu cynllun trwyddedu gorfodol ar gyfer aciwbigo, tyllu'r corff, electrolysis a thatwio.
Mae Rhan 4 o Ddeddf Iechyd y Cyhoedd (Cymru) 2017 yn nodi'r fframwaith cyfreithiol ar gyfer y cynllun.
Y bwriad yw cychwyn Rhan 4 o'r Ddeddf a rhoi'r cynllun trwyddedu ar waith yn ei gyfanrwydd. Rydym eisoes wedi ymgynghori ar egwyddorion y cynllun, ac mae’r ymatebion a gawsom wedi llywio’r rheoliadau drafft. Rydym hefyd yn ymgynghori ar ganllawiau statudol drafft a roddir o dan adran 66(11) o'r Ddeddf ynghylch y materion sydd i gael eu hystyried gan awdurdodau lleol wrth benderfynu a oes amheuaeth wedi ei chodi, ac os felly, i ba raddau, ynghylch addasrwydd ceisydd i roi triniaeth arbennig.
Bydd y cyfnod ymgynghori yn dod i ben ar 8 Ebrill 2024. Yna, bydd y rheoliadau terfynol yn cael eu llunio a’u gosod gerbron y Senedd.
Gallwch weld y ddogfen ymgynghori a’r rheoliadau drafft drwy ddilyn y ddolen ganlynol: Rheoliadau a chanllawiau statudol drafft ar drwyddedu gorfodol ar gyfer triniaethau arbennig | LLYW.CYMRU