![Deputy Minister for Climate Change, Lee Waters](/responsible-business/sites/maingel2/files/styles/post_featured/public/images/DM%20with%20T22%20bus%20-%20front%20on-2_cropped_0.jpg.webp?itok=RpZ1hk9g)
Mae'r Dirprwy Weinidog Newid Hinsawdd, Lee Waters, wedi amlinellu'r camau nesaf ar gyfer diwygio'r bysiau yng Nghymru.
Mae Ein Map Ffordd i Ddiwygio'r Bysiau yn adeiladu ar gynigion y papur gwyn ar fysiau i ad-drefnu'r ffordd y mae'r system drafnidiaeth gyhoeddus yn gweithio yng Nghymru yn radical.
“Rydyn ni'n symud o system wedi’i phreifateiddio sy'n rhoi elw cyn pobl tuag at system fydd yn cynllunio bysus a threnau gyda'i gilydd o amgylch anghenion teithwyr”, meddai Lee Waters, y gweinidog sydd â chyfrifoldeb dros drafnidiaeth.
Bydd y system bresennol lle mae gweithredwyr bysiau yn penderfynu lle i redeg gwasanaethau yn seiliedig ar le y gallant wneud y mwyaf o elw yn cael ei disodli gan system o gontractau ‘masnachfraint’.
Bydd Trafnidiaeth Cymru, cynghorau lleol a Llywodraeth Cymru yn gweithio gyda'i gilydd i ddylunio rhwydweithiau bysiau sy'n cysylltu gwasanaethau allweddol ac yn cysylltu â bysiau eraill ac amserlenni trenau, gyda’r cyfan yn defnyddio un tocyn.
Yna bydd cwmnïau'n gallu gwneud cais i redeg y pecyn cyfan o lwybrau ar gyfer ardal, nid dim ond y rhai sydd fwyaf proffidiol.
I gael mwy o wybodaeth, cliciwch ar y ddolen ganlynol: Dirprwy Weinidog yn mapio'r camau nesaf ar gyfer bysiau yng Nghymru | LLYW.CYMRU