![Lightbulb](/responsible-business/sites/maingel2/files/styles/post_featured/public/images/Untitled%20%2828%29_0.png.webp?itok=CMf68g9E)
Benthyciadau arloesi economi’r dyfodol Innovate UK: rownd 14
Gall busnesau sydd wedi’u cofrestru yn y DU wneud cais am fenthyciadau ar gyfer prosiectau arloesol sydd â photensial masnachol cryf i wella economi’r DU yn sylweddol. Mae Innovate UK yn cynnig hyd at £25 miliwn mewn benthyciadau i fusnesau micro, bach a chanolig (BBaChau). Y dyddiad cau ar gyfer cofrestru yw 1 Mai 2024. Am ragor o wybodaeth ac i wneud cais: Benthyciadau arloesi economi’r dyfodol Innovate UK: rownd 14 - Innovate UK Business Connect (ktn-uk.org)
ARMD3 - Arddangosydd llwybr uwch i'r farchnad ar gyfer technoleg fodurol di-allyriadau
Bydd Innovate UK, sy’n rhan o UK Research and Innovation, yn gweithio gyda’r Adran Busnes a Masnach drwy’r Advanced Propulsion Centre (APC), y diwydiant modurol a’r byd academaidd, i fuddsoddi hyd at £15 miliwn yn y gystadleuaeth Arddangosydd Llwybr Uwch i’r Farchnad 3 (ARMD3). Mae'r gystadleuaeth yn agored i fusnesau sydd wedi cofrestru yn y DU. Y dyddiad cau ar gyfer cofrestru yw 1 Mai 2024. Am ragor o wybodaeth ac i wneud cais: APC: ARMD3 - Arddangosydd llwybr uwch i’r farchnad ar gyfer technoleg fodurol di-allyriadau - Innovate UK Business Connect (ktn-uk.org)
Deunyddiau a gweithgynhyrchu sy'n effeithlon o ran adnoddau neu'n seiliedig ar ddeunydd biolegol - astudiaethau dichonoldeb 2
Gall sefydliadau sydd wedi’u cofrestru yn y DU wneud cais am gyfran o hyd at £1 miliwn ar gyfer astudiaethau dichonoldeb arloesol ym maes gweithgynhyrchu carbon isel datblygedig. Nod y gystadleuaeth hon yw y bydd deunyddiau a gweithgynhyrchu’r DU yn effeithlon o ran adnoddau ac yn sero net. Y dyddiad cau ar gyfer cofrestru yw 29 Mai 2024: Deunyddiau a gweithgynhyrchu sy’n effeithlon o ran adnoddau neu’n seiliedig ar ddeunydd biolegol – astudiaethau dichololdeb 2 - Innovate UK Business Connect (ktn-uk.org)
Ymchwil a Datblygu Cydweithredol rhwng y DU a Taiwan 2024
Gall busnesau sydd wedi’u cofrestru yn y DU wneud cais am gyfran o hyd at £5 miliwn i ddatblygu cynigion arloesol, gan gydweithio gydag o leiaf un busnes yn Nhaiwan. Nod y gystadleuaeth hon yw ariannu prosiectau ymchwil a datblygu cydweithredol sy'n canolbwyntio ar ymchwil ddiwydiannol. Y dyddiad cau ar gyfer cofrestru yw 17 Gorffennaf 2024. Am ragor o wybodaeth ac i wneud cais: Ymchwil a Datblygu Cydweithredol rhwng y DU a Taiwan 2024 - Innovate UK Business Connect (ktn-uk.org)
Mae gan Innovate UK ystod eang o gyfleoedd ariannu sy’n agored i fusnesau yng Nghymru ar gyfer arloesi a buddsoddi mewn ymchwil, datblygu ac arloesi.
Gall tîm Arloesi Llywodraeth Cymru eich helpu i gael mynediad at y cyllid hwn a chefnogi eich busnes ymhellach: Digwyddiadur Busnes Cymru - CRISP24 - Cyfarfod Cymorth Ar-lein (business-events.org.uk)