![Cardiff shopping centre](/responsible-business/sites/maingel2/files/styles/post_featured/public/images/shutterstock_1575080428%20%281%29.jpg.webp?itok=GD3xFCr-)
Mae CThEF yn ysgrifennu at dros 5,000 o gyflogwyr yng Nghaerdydd i’w hatgoffa am eu dyletswyddau o ran yr Isafswm Cyflog Cenedlaethol ac i gynnig cymorth iddynt. Daw hyn ar ôl adennill £243,000 o ôl-daliadau cyflog i weithwyr yng Nghaerdydd.
Weithiau, mae cyflogwyr yn methu cyfrif am ddidyniadau neu daliadau am eitemau sy’n gysylltiedig â swydd, fel iwnifform, wrth gyfrifo cyflogau – gall hyn fynd â gweithwyr islaw’r isafswm cyflog. Mae camgymeriadau eraill yn cynnwys peidio â thalu gweithwyr am yr holl amser y maent wedi gweithio, neu amser hyfforddiant, a pheidio â thalu prentisiaid yn gywir.
Gallai busnesau sy’n methu cydymffurfio â rheolau’r isafswm cyflog wynebu cosbau gwerth hyd at 200% o’u hôl-daliadau – yn ogystal â gorfod talu’r ôl-daliadau sy’n ddyledus a gall cyflogwyr gael eu henwi’n gyhoeddus hefyd.
Mae CThEF hefyd yn cynnig galwad gymorth, yn rhad ac am ddim i ryw 1,400 o gyflogwyr yng Nghaerdydd, gydag un o’u harbenigwyr Isafswm Cyflog Cenedlaethol / y Cyflog Byw Cenedlaethol.
Gall cyflogwyr gael at gymorth unrhyw bryd i sicrhau eu bod yn talu’r Isafswm Cyflog Cenedlaethol yn gywir:
- gweld y canllaw ar-lein i gyflogwyr ar gyfrifo’r isafswm cyflog
- cysylltu â llinell gymorth ACAS ar 0300 123 1100 i gael cyngor cyfrinachol, yn rhad ac am ddim (dydd Llun i ddydd Gwener, 8am tan 6pm)
- gweld gweminarau a recordiwyd ar amrywiol bynciau’r isafswm cyflog, trwy ddilyn y ddolen ganlynol: Fideos a gweminarau ar yr Isafswm Cyflog Cenedlaethol
Mae rhagor o wybodaeth am yr Isafswm Cyflog Cenedlaethol, gan gynnwys pwy sy’n gymwys, ar gael ar GOV.UK fan hyn:
- The National Minimum Wage and Living Wage: Who gets the minimum wage
- Check your pay – National Living and Minimum Wage