![Bus with destination - St David's](/responsible-business/sites/maingel2/files/styles/post_featured/public/images/SVW-C28-1718-0019.jpg.webp?itok=-OoawhL-)
Mae'r Dirprwy Weinidog Newid Hinsawdd, Lee Waters, wedi cyhoeddi y bydd y gefnogaeth i'r diwydiant bysiau yng Nghymru yn parhau, gan gadarnhau £39 miliwn ar gyfer y flwyddyn i ddod.
Dywedodd y Dirprwy Weinidog sy'n gyfrifol am drafnidiaeth y byddai'r cyllid yn cael ei ddarparu drwy 'Grant Rhwydwaith Bysiau' newydd.
Bydd y grant yn cael ei roi i awdurdodau lleol i ddiogelu gwasanaethau pan ddaw Cronfa Bontio Llywodraeth Cymru ar gyfer Bysiau i ben ddydd Sul, 31 Mawrth 2024.
Bydd y Grant Rhwydwaith Bysiau newydd yn dechrau ar 1 Ebrill 2024 ac yn para am 12 mis.
Bydd gofyn i awdurdodau lleol fodloni amodau penodol i gael unrhyw gyllid.
Mae’r amodau’n cynnwys sicrhau bod llwybrau ac amserlenni yn gwella amserau teithio, creu cyfleoedd i wella cysylltiadau lle gellir gwneud hynny, a gwella'r wybodaeth am amserau gwasanaethau bws.
I gael mwy o wybodaeth, cliciwch ar y ddolen ganlynol: Hwb o £39m i deithwyr bysiau yng Nghymru | LLYW.CYMRU