![Construction worker wearing protective hard hat and ear defenders](/responsible-business/sites/maingel2/files/styles/post_featured/public/images/shutterstock_1297793692.jpg.webp?itok=h5tt0xsz)
Mae ymchwil i golled clyw wedi’i hachosi gan sŵn yn dangos y gallai tuag un o bob pump o weithwyr fod yn agored i lefelau sŵn uchel wrth wneud eu gwaith.
Mae sŵn yn y gwaith yn destun adroddiad gwyddonol a drafodwyd yn ddiweddar gan arbenigwyr yn y maes. Dywed Pwyllgor o Arbenigwyr Iechyd yn y Gweithle y gallai tuag 20% o’r boblogaeth waith ym Mhrydain Fawr fod yn agored i lefelau sŵn uchel (yn fwy nag 85 dBA).
Er bod achosion newydd o fyddardod galwedigaethol wedi gostwng dros y degawd diwethaf, mae’r Awdurdod Gweithredol Iechyd a Diogelwch (HSE) yn annog gweithleoedd i ystyried y prawf gweiddi i reoli sŵn yn y gwaith, ynghyd â ffyrdd i roi seibiant i glustiau gweithwyr.
Mae gan yr Awdurdod Gweithredol Iechyd a Diogelwch gyngor ac arweiniad ar sŵn yn y gwaith: HSE: Noise at work – health and safety in the workplace