![Group of business partners discussing ideas](/responsible-business/sites/maingel2/files/styles/post_featured/public/images/shutterstock_296302733%20%281%29.jpg.webp?itok=UcMKpTlX)
Cynhelir yr Wythnos Ymwybyddiaeth o Ddyslecsia rhwng 2 Hydref ac 8 Hydref 2023, ac mae’n dathlu amrywiaeth y gymuned ddyslecsig a’r amrediad cyfoethog o brofiadau bywyd o ddyslecsia.
Y thema eleni yw Rwyt Ti’n Unigryw.
Mae pob person â dyslecsia yn ei brofi mewn ffyrdd sy’n unigryw iddyn nhw. Bydd gan bob un ei set ei hun o gryfderau a heriau, a bydd yn troedio ei lwybr ei hun trwy fywyd.
Amcangyfrifir bod gan 15% o’r boblogaeth ddyslecsia a/neu wahaniaethau dysgu penodol eraill (ADP), felly mae’n debygol iawn y ceir niwroamrywiaeth o fewn unrhyw weithle.
Gall niwroamrywiaeth fod yn ased sylweddol i sefydliad, gan ddod â dimensiwn gwahanol i ddatrys problemau neu greadigrwydd yn y ffordd y mae sefydliad yn gweithredu ac yn darparu ei gynnyrch a/neu ei wasanaethau.
Mae bod yn ystyriol o ddyslecsia yn gwneud synnwyr busnes da. Mae gwreiddio’r ethos hwn yn eich sefydliad yn fuddiol i bawb, gan ei fod yn galluogi eich gweithwyr i gyflawni eu potensial, ac yn cefnogi eich cwsmeriaid a chleientiaid dyslecsig ar yr un pryd.
I gael rhagor o wybodaeth am sut i gefnogi eich gweithwyr, dewiswch y ddolen ganlynol: Cyflogwr - Cymdeithas Dyslecsia Prydain (bdadyslexia.org.uk)