![Martin Roberts outside the Hendrewen Hotel](/responsible-business/sites/maingel2/files/styles/960x410/public/images/Martin%20Roberts%20at%20Hendrewen%20Hotel_0.jpeg.webp?itok=GLiu6OFl)
Rydw i’n berson llawn syniadau. ‘Planhigyn’. Symbylwr. Gweledydd. Entrepreneur pybyr. Arbenigwr eiddo ar y teledu. Roeddwn i angen tîm cynghori a allai droi fy syniadau a’m gweledigaeth yn gyfle busnes hyfyw. Tîm a fyddai’n gwybod am y fiwrocratiaeth a’r rhwystrau. Tîm a allai helpu i rannu fy nghyfle busnes anhygoel mewn iaith y byddai’r byd busnes yn ei deall.
Tîm a allai ddod o hyd i broblemau gweithredol, AD, cyfreithiol a gweithdrefnol cyn iddyn nhw godi. Megis dechrau y mae ein perthynas weithio gyda Phil a’i dîm yn Busnes Cymru, ond rydw i eisoes yn teimlo fel pe bawn yn cael fy niogelu, fy nghefnogi a’m grymuso o wybod eu bod yn gweithio ochr yn ochr â mi. O ganlyniad uniongyrchol i’w cyfraniad, mae gan y prosiect siawns well o lawer o gyflawni’r llwyddiant y gobeithiaf ei weld.
Mae Martin Roberts, cyflwynydd Homes Under the Hammer, ac entrepreneur hynod frwdfrydig, wedi prynu’r Gwesty Hendrewen gwag yng Nghwm Rhondda, gyda’r gobaith o weddnewid y gwesty’n dafarn gastro, bwyty ac atyniad i ymwelwyr, ac yn llety moethus llawn cymeriad.
Er mwyn troi’r weledigaeth uchelgeisiol hon yn fusnes hyfyw, cysylltodd Martin â Busnes Cymru i gael cymorth er mwyn sicrhau y gallai gydymffurfio â materion cyfreithiol AD ac unrhyw faterion gweithredol a gweithdrefnol.
Mae ei gynghorydd busnes yn rhoi cymorth cyn cychwyn iddo yn ymwneud â statws cyfreithiol, AD ac uchelgeisiau o ran cynaliadwyedd. Hefyd, mae Martin wedi cael ei dywys trwy’r broses ymgeisio am grantiau gyda nifer o sefydliadau gwahanol.
Bydd Martin yn cefnogi’r gymuned leol drwy gydol y broses drawsnewid, ac yn ddiweddar fe ymgysylltodd â Realskillz. Mae’r fenter hon yn cynorthwyo pobl ifanc 15-18 oed sy’n cael anawsterau yn y system addysg draddodiadol i ennill cymwysterau amhrisiadwy’n ymwneud â’r diwydiant adeiladu, a hynny pan fônt yn ifanc.
A oes gennych weledigaeth i adeiladu busnes?
Gallwn ni eich helpu!
I gael rhagor o wybodaeth, dewiswch y ddolen ganlynol Mynnwch Gymorth | Business Wales (gov.wales)