![Nadia Becker](/responsible-business/sites/maingel2/files/styles/960x410/public/images/MOBEK%20%281%29.jpg.webp?itok=TdcENrO5)
Rydym wedi cael cymorth gan Busnes Cymru mewn nifer o ffyrdd. Roedd y cynghorwyr bob amser yn barod i helpu ac yn meddwl am lawer o syniadau i dyfu ein busnes.
Mae Mobek yn fusnes teuluol, sy’n eiddo i Nadia a Ralph Becker. Wedi’u lleoli ym Mae Colwyn, maent yn arbenigo mewn cyflenwi dodrefn awyr agored eco o’r radd flaenaf, sydd wedi’u hadeiladu i bara. Maent yn cynnig ystod o gynhyrchion modern a chynhyrchion cynllunydd o gadeiriau Adirondack, o feinciau i seddi dwfn, lle gallwch chi greu eich trefniant soffa eich hun gan ddefnyddio system fodiwlar.
Ar ôl cael cymorth busnes blaenorol ychydig cyn y pandemig coronafeirws, ers hynny mae Nadia a Ralph wedi cael cymorth dilynol gennym ni yn Busnes Cymru i annog twf cynaliadwy.
Gyda chyfuniad o gefnogaeth gan eu cynghorydd busnes a mentor, rhoddwyd cyngor ar Adnoddau Dynol; yn benodol wrth drafod gwiriadau cyn cyflogaeth, costau recriwtio a gweithredu polisi cydraddoldeb ac amrywiaeth.
Er mwyn helpu'r busnes i symud yn ei flaen, cawsant eu cynghori ar werthu a marchnata’r busnes ac i ddatblygu eu strategaeth cyfryngau cymdeithasol a’u gwefan ymhellach.
Hoffech chi gael cymorth dilynol i addasu a thyfu eich busnes yn yr hinsawdd newydd?
Dysgwch sut y gallwn ni eich cefnogi chi Dechrau a Chynllunio Busnes | Drupal (gov.wales)