![Snowdonia Candles](/responsible-business/sites/maingel2/files/styles/960x410/public/images/Snowdonia%2520Candles%2520-%2520Image%5B1%5D.jpg.webp?itok=L6U-Uk03)
Mae Busnes Cymru wedi fy ngalluogi i droi diddordeb yn fusnes cynaliadwy, ac ymestyn mwy arno.
Penderfynodd Sky Irvine, entrepreneur ifanc uchelgeisiol, droi ei diddordeb yn fusnes. Felly, aeth ati i sefydlu Snowdonia Candles sy’n gwerthu toddion cwyr a chanhwyllau cwyr soia a arllwysir â llaw a chanddynt berarogleuon a ysbrydolwyd gan dirwedd Eryri. Mae hi’n gwerthu’r rhain ar hyd a lled Gogledd Cymru.
Yn dilyn llwyddiant cychwynnol ei busnes, bu Sky yn gweithio gydag un o gynghorwyr Busnes Cymru er mwyn iddi gael y cymorth angenrheidiol i gynnal y twf sydyn yn ei busnes. Fe wnaeth y cynghorydd ei helpu i gyflwyno cais llwyddiannus am Grant Adnewyddu Busnes a chreu gweithle mawr, er mwyn ei galluogi i gadw mwy o stoc a chael mwy o le o bacio archebion.
Hefyd, pwysleisiodd y cynghorydd busnes pa mor bwysig yw llunio polisïau cynaliadwyedd, cydraddoldeb ac amrywiaeth er mwyn adlewyrchu’r twf yn y cwmni, ynghyd â’i werthoedd a’i uchelgeisiau.
Felly, cyflwynodd Sky gyfres o bolisïau newydd o fewn y busnes, yn cynnwys polisi amgylcheddol sy’n adlewyrchu’r arferion cadarnhaol a roddir ar waith.
Hefyd, bydd yn parhau i fonitro’r defnydd a wneir o adnoddau naturiol er mwyn dod o hyd i feysydd lle gellir cyflwyno gwelliannau parhaus yn y dyfodol.
Hoffech chi gael cymorth ar gyfer rheoli twf eich busnes? Cysylltwch â’r tîm heddiw Mynnwch Gymorth | Business Wales (gov.wales)