![Person working in a food bank](/responsible-business/sites/maingel2/files/styles/post_featured/public/images/Untitled%20%2869%29.png.webp?itok=3So-RMgi)
Mae menter newydd i ddarparu nwyddau hanfodol i aelwydydd sydd mewn cyni wedi cael ei lansio yn Abertawe.
Cafodd Cwtsh Mawr, 'banc pob dim' cyntaf Cymru, ei agor yn swyddogol heddiw gan y Prif Weinidog Mark Drakeford a Gordon Brown, cyn Brif Weinidog y Deyrnas Unedig.
Mae banciau pob dim yn seiliedig ar y model banciau bwyd, ond maent yn darparu ystod ehangach o nwyddau nad ydynt yn ddarfodus, gan alluogi busnesau i ailddosbarthu eitemau sydd dros ben, heb eu gwerthu, i bobl am ddim.
Bydd Cwtch Mawr yn cael ei gefnogi gyda rhoddiadau gan Amazon a chwmniau eraill, gan gynnwys cadachau glanhau, eitemau ar gyfer y mislif, papur toiled, papur cegin a theganau. Disgwylir y bydd nwyddau cartref, bwyd, dillad, pethau ymolchi, dodrefn, dillad gwely, a nwyddau plant a babanod newydd, a rhai sy’n cael eu hailddefnyddio, yn cael eu darparu yn y dyfodol.
Mae'r model banc pob dim yn annog busnesau i leihau gwastraff trwy greu banc o nwyddau cartref sydd dros ben. Mae Cwtch Mawr yn bwriadu rhoi dros 300,000 o nwyddau hanfodol sydd dros ben i 40,000 o deuluoedd mewn tlodi eleni.
Bydd Cwtch Mawr yn cael ei redeg gan yr elusen Faith in Families o Abertawe, gyda chymorth Gordon Brown ac Amazon, a gyd-sefydlodd y fenter ‘banciau pob dim.’ Mae Llywodraeth Cymru yn darparu £125,000 ar gyfer sefydlu'r prosiect, gyda chymorth arall yn dod gan bartneriaid lleol gan gynnwys Cyngor Abertawe, Cymdeithas Tai Pobl a Sefydliad Moondance.
Am ragor o wybodaeth, dilynwch y ddolen ganlynol: Banc pob dim' cyntaf Cymru yn darparu eitemau hanfodol i bobl mewn angen | LLYW.CYMRU
Eisiau dechrau busnes sy'n gwneud gwahaniaeth? Gallwn eich helpu.
Credwn y gellir gwneud busnes yn wahanol. Gwyddom, drwy fentrau cymdeithasol, cwmnïau cydweithredol, cwmnïau cydfuddiannol a busnesau sy’n eiddo i’r gweithwyr, ei bod yn bosibl creu newid cadarnhaol ac adeiladu cymunedau cryfach, cyfoethocach.
Mae Busnes Cymdeithasol Cymru yn cynnwys tîm o gynghorwyr busnes arbenigol sy’n canolbwyntio ar sefydlu a chefnogi mentrau cymdeithasol: Busnes Cymdeithasol Cymru (gov.wales)