![Businessman stressed out at work in casual office](/responsible-business/sites/maingel2/files/styles/post_featured/public/images/shutterstock_334226789.jpg.webp?itok=9nyuC16s)
Mae'r Gymdeithas Ryngwladol Rheoli Straen (ISMAUK) yn elusen gofrestredig a'r corff proffesiynol arweiniol ar gyfer rheoli straen personol a straen yn y gweithle, gan gefnogi iechyd meddwl, lles a pherfformiad da.
Cynhelir Wythnos Ryngwladol Ymwybyddiaeth am Straen 2023 rhwng 30 Hydref a 3 Tachwedd, ac mae'n ddigwyddiad blynyddol mawr sy'n canolbwyntio ar reoli straen ac ymgyrchu yn erbyn y stigma sy'n gysylltiedig â straen a materion iechyd meddwl.
Hanner ffordd drwy'r wythnos, cynhelir Diwrnod Ymwybyddiaeth am Straen ddydd Mercher, 1 Tachwedd.
I gael mwy o wybodaeth, cliciwch ar y ddolen ganlynol International Stress Awareness Week
P'un a ydych chi'n fusnes bach neu'n gorfforaeth fawr, mae'r gyfraith yn ei gwneud yn ofynnol i bob cyflogwr atal straen yn gysylltiedig â gwaith i gefnogi iechyd meddwl da yn y gweithle. I gael mwy o wybodaeth, cliciwch ar y ddolen ganlynol Cyflogwyr - mae gennych ddyletswydd gyfreithiol i ddiogelu gweithwyr rhag straen yn y gwaith | Busnes Cymru (llyw.cymru)