Nod y prosiect yw cynyddu bioamrywiaeth a gwella cydnerthedd ecosystemau yn Ffordd
Ellen yng Nghraig-cefn-parc a Maes Garnswllt, Garnswllt. Mae'r ddwy ardal hyn wedi'u nodi i'w datblygu a'u trawsnewid, er mwyn bod o fudd i'r cymunedau lleol drwy ddarparu ardal o le gwyrdd sy'n hygyrch i bawb lle gallant fanteisio ar bleserau byd natur ar garreg eu drws. Mae'r tir yn y ddwy ardal yn eiddo i Gyngor Cymuned Mawr felly mae caniatâd llawn eisoes wedi'i gymeradwyo. Bydd y prosiect yn y ddwy ardal yn cynnwys ardaloedd tyfu, perllan, blodau gwyllt, parth gwyllt, coed ffrwythau, ynysoedd llwyni, ardaloedd cynefinoedd bywyd gwyllt, coridorau bywyd gwyllt a gerddi cors.
Bydd yr arian yn cael ei ddefnyddio i gyflogi cydlynydd prosiect a fydd yn goruchwylio'r gwaith o redeg Prosiect Bioamrywiaeth Mawr a datblygu'r tir i greu meysydd natur ar gyfer addysg, hamdden, ymlacio a chymdeithasu ar gyfer cymunedau Craig-cefn-parc a Garnswllt.
Caiff gwirfoddolwyr o'r gymuned eu recriwtio a'u hyfforddi i helpu gyda'r gwaith o gynnal y safleoedd, tyfu a dewis y cynnyrch o'r coed, y llwyni a'r gwelyau uchel. Byddant yn datblygu sgiliau a gwybodaeth allweddol yng ngofynion garddio ynghyd â sgiliau bywyd mewn cydweithredu, trefnu a chyfathrebu.
Bydd Cydlynydd y Prosiect yn gweithio gyda'r gymuned leol a gwirfoddolwyr i benderfynu ar y dull gorau o ddosbarthu'r cynnyrch a dyfir i aelodau'r ardal leol. Gallai hyn gwmpasu nifer o ddulliau gwahanol, gan ddibynnu ar anghenion cymunedau Garnswllt a Chraig-cefn-parc. Bydd y cynnyrch yn dymhorol a bydd yn sicrhau bod cynnyrch drwy gydol y flwyddyn gyda chymysgedd o blannu olyniaeth a chydymaith, er enghraifft radisys sy'n tyfu'n gyflymach rhwng moron.
Wrth gynyddu'r fioamrywiaeth, bydd rhywogaethau brodorol yn cael eu dewis, fel coed afalau a gellyg. Bydd y prosiect yn gweithio gyda'r Bartneriaeth Natur Leol, Cyfoeth Naturiol Cymru a Swyddog Lleoedd Natur Lleol o Un Llais Cymru i sicrhau bod rhywogaethau'n cael eu dewis yn ofalus i adlewyrchu treftadaeth yr ardaloedd.
Manylion y prosiect
- Swm cyllido:
-
EAFRD (WG RC_RDP Wales) contribution£9398.88
- Ffynhonnell cyllid:
-
Cronfa datblygu lleol LEADER
- Ardal:
-
Abertawe
- Cwblhau:
-
- Thema:
- 1
- Mesur:
-
19.2
Cyswllt:
- Enw:
- Vicki Thomson
- Rhif Ffôn:
-
01792636992
- Cyfeiriad e-bost:
- rdpleader@swansea.gov.uk
- Email project contact
Project Area Contacts:
Need to find a local access group or lead body for an area?
Please have a look at our project contact map.
Find area contacts