Hysbysiad Preifatrwydd Gweithredol Arloesi

Llywodraeth Cymru yw’r rheolydd data ar gyfer unrhyw wybodaeth bersonol a roddwch. Byddwn yn ymdrin â'ch holl ddata personol yn unol â’r Rheoliad Cyffredinol ar Ddiogelu Data (EU 2016/679).

1. Pam rydym yn casglu ac yn prosesu’ch data personol

• I ddarparu'r cymorth Arloesi a roddir gan Lywodraeth Cymru, er enghraifft, drwy'r gyfres o raglenni SMART sy'n cael eu cyllido drwy Gronfa Datblygu Rhanbarthol Ewrop (ERDF);
• I gynllunio, gwneud gwaith ymchwil a dadansoddi a monitro'r cymorth a roddir gan Lywodraeth Cymru ar gyfer arloesi, ac efallai i baratoi cyhoeddiadau ystadegol;   
• I gynnal archwiliadau ar y prosiect;
• Fel rhan o weithgarwch hyrwyddo megis busnes y llywodraeth, astudiaethau achos, datganiadau i’r wasg, ymgyrchoedd marchnata, y cyfryngau cyhoeddus; mae'n bosibl y bydd yr wybodaeth yn cael ei rhannu â’r cyhoedd.

2. Pwy fydd yn cael gweld eich data personol?

Mae'n bosibl y bydd y data hyn yn cael eu casglu gan:

• Lywodraeth Cymru at y dibenion a ddisgrifir uchod;
• Contractwyr a benodir gan Lywodraeth Cymru i ddarparu cymorth sydd, er enghraifft, yn gysylltiedig ag arloesi, dylunio, neu weithgynhyrchu. Mae’n ofynnol i gontractwyr sy’n ymdrin â’ch gwybodaeth ar ran Llywodraeth Cymru fod ag achrediad Cyber Essential neu gydymffurfio ag ISO 27001. Mae’n ofynnol o dan y contract iddynt roi gweithdrefnau cryf ar waith i ddiogelu gwybodaeth;
• Sefydliadau ymchwil cymdeithasol cymeradwy, i gynnal gwaith ymchwil a dadansoddi neu i fonitro'r rhaglenni cymorth arloesi o ran cyfle cyfartal;
• Swyddfa Cyllid Ewropeaidd Cymru (WEFO) – fel noddwyr y cynllun, mae angen rhestr lawn ar WEFO o holl fanylion buddiolwyr er mwyn cyflawni’r gofynion o ran adrodd;
• Y Comisiwn Ewropeaidd a’r Tîm Archwilio Cronfeydd Ewropeaidd a fydd yn cymryd samplau o’n data i sicrhau ein bod yn dilyn y prosesau cywir.

3. Cyfreithlondeb

• Mae’r dibenion cymorth i fusnesau ac archwilio yn cael eu cynnal fel rhan o dasg gyhoeddus Llywodraeth Cymru i fodloni’i phrif nod economaidd i greu swyddi, twf a chyfoeth yng Nghymru.
• Dim ond â’ch caniatâd chi y gwneir unrhyw waith ymchwil / gwerthuso. Cysylltir â sampl yn unig o unigolion a / neu fentrau at y diben hwn. Os cysylltir â chi i gymryd rhan mewn unrhyw waith ymchwil / gwerthuso am eich profiad ar y prosiect, bydd diben y cyfweliad neu’r arolwg yn cael ei esbonio ichi a chewch yr opsiwn i gytuno i gymryd rhan neu i wrthod. Dim ond ar gyfer ymchwil gymeradwy y bydd eich manylion cyswllt yn cael eu defnyddio a chânt eu dileu cyn gynted ag y bydd yr ymchwil hon wedi’i chwblhau.
• Dim ond ar ôl cael eich caniatâd chi y gwneir unrhyw weithgarwch hyrwyddo. Mae gennych yr hawl i wrthod cymryd rhan mewn gweithgarwch hyrwyddo.

4. Am faint byddwn ni’n cadw’ch manylion?

• Bydd eich manylion yn cael eu cadw ar ein systemau yn unol â pholisi cadw Llywodraeth Cymru am hyd at 10 mlynedd fel rhan o'n hadolygiadau rheolaidd o hyfforddiant ac ansawdd.
• Cedwir eich manylion ar systemau’n contractwyr nes i’r contractau ddod i ben yn 2021/22. Bydd y cofnodion yn cael eu rhoiyn ôl i Lywodraeth Cymru pan ddaw cyfnod y contract i ben a byddant yn cael eu storio gennym. Caiff y cofnodion eu storio am 10 mlynedd ar ôl i’r prosiect ddod i ben oherwydd y gofynion sy'n gysylltiedig â chymorth de minimis.

5. Eich hawliau O dan y ddeddfwriaeth diogelu data, mae gennych yr hawl i:

• weld y data personol y mae Llywodraeth Cymru yn eu cadw amdanoch;
• mynnu ein bod yn cywiro unrhyw gamgymeriadau yn y data hynny;
• (o dan rai amgylchiadau) gwrthwynebu prosesu'ch data neu i ofyn inni gyfyngu ar y gwaith prosesu hwnnw;
• (o dan rai amgylchiadau) gofyn inni 'ddileu' eich data;
• cofrestru cwyn yn Swyddfa’r Comisiynydd Gwybodaeth, sef ein rheoleiddiwr annibynnol ar gyfer diogelu data.

Gallwch gysylltu â'r Comisiynydd Gwybodaeth yn:

Customer Contact
Wycliffe House
Water Lane
  Wilmslow
  Swydd Gaer
  SK9 5AF

Ffôn: 01625 545 745 neu 0303 123 1113

Gwefan: www.ico.org.uk

Gallwch gysylltu â Swyddog Diogelu Data Llywodraeth Cymru:

Y Swyddog Diogelu Data
Llywodraeth Cymru
Parc Cathays
Caerdydd
CF10 3NQ

Cyfeiriad e-bost:Data.ProtectionOfficer@llyw.Cymru

6. Y Ddeddf Rhyddid Gwybodaeth a'ch Gwybodaeth chi

Mae Deddf Rhyddid Gwybodaeth 2000 a Rheoliadau Gwybodaeth Amgylcheddol 2004 yn caniatáu i’r cyhoedd ofyn i gael gweld gwybodaeth a gedwir gan gyrff cyhoeddus, gan gynnwys Llywodraeth Cymru. Gallai aelod arall o'r cyhoedd ofyn am gael gweld yr wybodaeth a roddwch inni, a hynny fel rhan o gais rhyddid gwybodaeth. Cyn ymateb i gais am wybodaeth bersonol amdanoch, byddem yn ymgynghori â chi i ofyn am eich caniatâd.

7. Newidiadau i'r polisi hwn

Gall Llywodraeth Cymru newid y polisi preifatrwydd hwn ar unrhyw adeg.
Pan fydd y polisi hwn yn cael ei newid, byddwn yn cysylltu â chi drwy’r cyfeiriad e-bost sydd gennym ar gofnod yn eich cyfrif er mwyn ichi allu gweld y fersiwn newydd.