Prosiect Dalgylch Taf Bargoed

Roedd Dalgylch Taf Bargoed yn brosiect cymunedol a gyflwynwyd gan Ymddiriedolaeth Afonydd De-ddwyrain Cymru. Cyflogwyd Gareth Edge fel y Swyddog Prosiect a’i rôl oedd helpu’r gymuned leol i ailgysylltu ag Afon Bargod Taf. Canolbwyntiodd y prosiect ar dri phrif faes:

1. Addysg - Ailgysylltu ysgolion cynradd lleol yn Nhrelewis a Bedlinog â’r dalgylch trwy gyfres o weithdai addysgol a ganolbwyntiai ar yr afon - ei hanes, ei bywyd gwyllt a’i chynefinoedd.
2. Ymgysylltu â’r Gymuned - Ymgysylltu’n ystyrlon â’r gymuned leol trwy gyfres o weithgareddau a digwyddiadau megis glanhau afonydd a chasglu sbwriel. Gall preswylwyr hefyd gofrestru ar gyfer hyfforddiant achrededig mewn adfer afonydd. Yn y pen draw, mae’r prosiect yn gobeithio annog aelodau’r gymuned i ddod yn geidwaid gweithredol ar ddalgylchoedd eu hafonydd lleol.
3. Yr Amgylchedd - Gwella amgylcheddau gwlypdiroedd  ac afonydd trwy arolygu, monitro, mynd i’r afael â rhywogaethau goresgynnol, a chynnal bioddiogelwch.

Y Gwersi a Ddysgwyd

• Mae sefydlu rhwydweithiau effeithiol ar y cyfryngau cymdeithasol yn hanfodol ar gyfer y math hwn o brosiect.
• Oherwydd y tywydd, gellir cyflawni llawer mwy yn ystod misoedd y gwanwyn/haf nag yn yr hydref/gaeaf.
• Dylid cofnodi pawb a gymerodd ran yn y digwyddiadau - nid yn unig y wardiau gwledig cymwys, gan fod twristiaeth o du allan y dalgylch yn allweddol i effeithiau ehangach y prosiect.
• Mae’n hanfodol cael syniadau a gweithgareddau wrth gefn tra ein bod yn gweithio ar brosiect dalgylch afon, oherwydd gall y gwaith gael ei effeithio gan geisiadau am arian yn y dyfodol.

Mae Prosiect Dalgylch Taf Bargoed yn rhan o Cymunedau Gwledig Llywodraeth Cymru - Rhaglen Datblygu Gwledig Cymru 2014-2020, a ariennir gan Lywodraeth Cymru a’r Gronfa Amaethyddol Ewrop ar gyfer Datblygu Gwledig.