Prif nod Grŵp y Lido yw dod â phwll awyr agored wedi'i gynhesu yn ôl i Barc Bailey, Y Fenni. Mae'r cais hwn ar gyfer arian i ariannu astudiaeth ddichonoldeb gyda'r nod o sicrhau bod y pwll nofio’n hyfyw ac yn gynaliadwy. Aeth y pwll nofio gwreiddiol, a agorodd ym 1939, yn segur yn y 1990au a chafodd ei dynnu i lawr yn 2006. Y gobaith yw y bydd Lido newydd y Fenni yn manteisio ar yr atgyfodiad enfawr diweddar o ddiddordeb mewn nofio yn yr awyr agored a nofio gwyllt.
Mae nofio yn ymarfer addas i bobl o bob oed a lefel ffitrwydd, ac mae'r manteision hefyd yn ymestyn i iechyd meddwl. Bydd pobl hŷn ac unrhyw un sydd â phroblemau iechyd corfforol/meddyliol yn elwa o'r pwll nofio newydd. I lawer o nofwyr, mae elfen gymdeithasol bwysig i nofio – mae'n ffordd o fynd i'r afael ag unigrwydd, dirywiad gwybyddol sy'n gysylltiedig ag oedran, iselder a phryder. Bydd yn rhoi cyfleoedd i blant a phobl ifanc wneud ffrindiau a chael hwyl yn dysgu nofio. Bydd hefyd yn apelio at athletwyr sydd angen hyfforddi ar gyfer cystadlaethau a digwyddiadau.
Mae hwn yn brosiect cyffrous ac arloesol ar gyfer rhanbarth Dyffryn Wysg. Er bod llawer o lidos ledled y DU, mae Cymru'n brin ohonynt. Dim ond Lido-Ponty sydd wedi dychwelyd i ddefnydd yn ddiweddar. Bydd Lido'r Fenni yn ased diwylliannol a hamdden, a allai gynnig profiad hamdden unigryw, nid yn unig i bobl Sir Fynwy ond i Dde-ddwyrain Cymru gyfan a thu hwnt.
Bydd y Lido’n dod â manteision economaidd sylweddol i'r ardal o ran contractau'r gadwyn gyflenwi a mwy o ymwelwyr i fusnesau lletygarwch a manwerthu lleol. Mae'n debygol y bydd nifer o swyddi'n cael eu creu yn y pwll nofio gan gynnwys tîm rheoli, gwerthwyr tocynnau, achubwyr bywyd, staff caffi a glanhawyr. Gallai rhai o'r rhain fod yn rolau gwirfoddol neu brofiad gwaith. Bydd yr adroddiad terfynol yn cael ei rannu, a rhagwelir y bydd o fudd mawr i unigolion a grwpiau mewn meysydd eraill sydd â dyheadau tebyg o ran cyfleusterau nofio awyr agored.
Manylion y prosiect
- Swm cyllido:
-
EAFRD (WG RC_RDP Wales) contribution£20000.00
- Ffynhonnell cyllid:
-
Cronfa datblygu lleol LEADER
- Ardal:
-
Dyffryn Wysg
- Cwblhau:
-
- Thema:
- 1
- Mesur:
-
19.2
Cyswllt:
- Enw:
- Mark Lloyd
- Rhif Ffôn:
-
07872696154
- Cyfeiriad e-bost:
- marklloyd@monmouthshire.gov.uk
- Email project contact
- Gwefan y prosiect:
- http://monmouthshire.biz/?post_type=project&p=199621&preview=true
Project Area Contacts:
Need to find a local access group or lead body for an area?
Please have a look at our project contact map.
Find area contacts