Bica Byw

Bydd prosiect Bica Byw yn macsimeiddio popeth sydd gab Llangrannog i gynnig trwy ymgysylltu â'r gymuned leol i dreialu a datblygu syniadau newydd a chyffrous.

Nod ‘Bica Byw’ yw creu cymuned gynaliadwy yn Llangrannog, gan ychwanegu gwerth at hunaniaeth leol a gwneud y mwyaf o’r asedau naturiol, hanesyddol a diwylliannol.

Bydd treialu nifer o syniadau yn eu galluogi i ymgysylltu, cynyddu cynhwysedd a chydweithio i gydnabod a datrys materion cymunedol, a threialu cyfleoedd. Y nod yw y bydd ‘Bica Byw’ yn cyfuno technoleg flaengar â phrofiadau go iawn, i ymgysylltu a datblygu.

Bydd y prosiect yn penodi Animeiddiwr Cymdeithasol i ymgysylltu ar amrywiaeth o themâu a gweithgareddau gan gynnwys cynnal ymgynghoriad cymunedol i edrych ar hyfywedd Capel Crannog yn y dyfodol, cynnal gweithdai digidol, treialu gêm ddigidol i blant, darparu mentora i wirfoddolwyr i gynyddu'r cynhwysedd i ddatblygu mentrau cymdeithasol a chryfhau eu sgiliau, gan sicrhau cynaliadwyedd a pharhad gweithgaredd lleol, datblygu mentrau sy'n darparu gwell mynediad i'r amgylchedd naturiol ac yn creu cymuned gryfach a mwy rhyngweithiol ac yn cynnal gweithdai i sefydliadau, cymdeithasau ac unigolion ddod ynghyd i greu un darn o waith celf i ddathlu chwedlau, hanes a Llangrannog heddiw.