Coginio’n Araf Dysgu’n Gyflym

Dysgu sgiliau coginio sylfaenol, ymarferol i bobl ifanc dros gyfnod o 10 wythnos mewn rhaglen ar lein, i’w grymuso i gynllunio, paratoi a choginio prydau bwyd fforddiadwy sy’n gytbwys o ran maeth iddyn nhw eu hunain a’u teuluoedd fel rhan o fywyd iachach.

Bydd y prosiect yn rhoi cyfleoedd i bobl ifanc ddatblygu a gwella’u sgiliau llythrennedd, rhifedd, TGCh a byw’n annibynnol, gan eu galluogi i fyw bywydau iachach a chyflawni’u potensial llawn.

Bydd nodau’r prosiect yn cael eu cwrdd drwy gyflawni’r amcanion canlynol:

• Cynnydd mewn gwybodaeth am fwyd ac iechyd, gan roi dealltwriaeth o fwyta’n iach, plât Bwyta’n Dda yr Asiantaeth Safonau Bwyd (FSA) a diddyfnu.
• Mwy o hyder o ran bwyta’n iach. Cyfle i flasu bwydydd newydd, dilyn / addasu ryseitiau.
• Sgiliau coginio uwch
• Newid ymddygiad er mwyn gwella maeth – annog llai o fwyd pryd ar glud / prydau parod. newid arferion coginio i leihau halen, braster neu siwgr, bwyta mwy o lysiau / ffrwythau.
• Cefnogi / gwella iechyd corfforol drwy ddeall yr angen i gael deiet amrywiol, cytbwys a maethlon.
• Gwelliant mewn perthynas teuluol, gwelliant mewn sgiliau cyfathrebu / cymdeithasol a chynnydd mewn hyder.
• Cefnogi / gwella iechyd meddwl.
• Darparu lle diogel, strwythuredig ar gyfer dysgu.
• Archwilio cyllidebu.
• Darparu ymweliadau wythnosol wyneb yn wyneb gan weithiwr ieuenctid, ymwneud a chynhwysiant cymdeithasol (gollwng pecynnau bwyd) gan alluogi i wiriadau iechyd a llesiant gael eu gwneud yn llechwraidd.
• Darparu cymhwyster dewisol Hylendid Bwyd Lefel 2 

CookSlowLearnFast PCRFinal 28.03.22_0.pdf

[.PDF, 732.77 KB]