Datblygu Twristiaeth yng Nghastell-nedd Port Talbot

Bydd y prosiect yn cyflogi Swyddog Datblygu Busnes i roi cyngor, arweiniad a chymorth i fusnesaun ymwneud thwristiaeth yn wardiau gwledig Castell-nedd Port Talbot. Bydd y prosiect hefyd yn canolbwyntio ar helpu busnesau i fanteisio ar gyfleoedd i gydweithio drwy rwydweithio, rhannu arfer da a gweithio ar y cyd. Drwy hynny, byddant yn fwy ymwybodol o wasanaethau/darparwyr eraill yn eu hardal a sut y gallai eu gwasanaethau ychwanegu at brofiad ymwelwyr  - a bydd hyn yn  elfen bwysig or prosiect. Prif nod y prosiect yw cefnogi, annog a hyrwyddo cynlluniau syn cryfhau cyfraniad y diwydiant ymwelwyr ir economi leol. 

Caiff hyn ei gyflawni drwy 

• Annog busnesau i ddatblygu atyniadau, cyfleusterau a gwasanaethau newydd; 
• Gwellar cysylltiadau rhwng darparwyr a gwasanaethau lleol i gynyddu gwariant lleol; 
• Hybu ymdeimlad o le i wella profiad yr ymwelwyr; 
• Cynorthwyo a galluogi busnesau twristiaeth i ddefnyddio TGCh a dulliau digidol o farchnata i sicrhau eu bod yn manteisio ir eithaf ar ddatblygiadau ym maes technoleg; 
• Annog busnesau twristiaeth i fuddsoddi mewn mesurau arbed ynni syn effeithio er gwell ar yr amgylchedd ac yn gwella perfformiad busnes; 
• Cynnig cymorth i fusnesau presennol a buddsoddwyr newydd i ddod o hyd i gyllid ac i ddatblygu syniadau newydd ar gyfer cynhyrchion; a 
• Hybu cynlluniau rhwydweithio, rhannu arfer da a chydweithio a defnyddio astudiaethau achos i ddangos sut y gellir gweithion effeithiol mewn partneriaeth.